貼錢買難受~ 到底值唔值呢~?!

咁樣貼錢買難受, 值唔值阿?

我相信大家係睇完我這篇文後, 會問我的一個問題?

請大家用心的睇哂我以下的文章吧~!

講真, 人是犯賤的!

有時為咗靚, 多多錢都願意花!

其實係上年年尾12月度,

我做咗一個"驚人"的美容~

NO! NO! NO...

唔係整容~!!

而係花了一筆我死慳死抵"還原靚靚"基金在一個FACIAL 上~

說明申報:

這個美容是本人真金白銀比錢做的! (比阿媽知道, 死梗!)

點樣驚人??

大家唔介意我今日比較長氣, 分享會多D!

早在半年前, 受邀出席了一個發佈會,

PRETTY MEDICAL

那個發佈會主要係講第三代的 thermage !

有些朋友或者都知道THERMAGE 是一個機皇,

要購買都要過百萬以上,

thermage 這個廠商一向非常嚴格，

要對購買儀器的 Beauty Salon 有一定的生意額之外，

                 店內的員工質素、公司的背景、口啤及財務狀況都成考慮批准與否的因素

講多無謂 ,

比D 圖片大家睇下,

便知道我心動的原因..

眼尾下垂, 經過治療後, 可以令眼部提升~

阿技係三角眼, 大家應該都知!!

所以更想攪攪佢~

肌肉鬆弛, 令人變得蒼老!!

(我唔想...但開始有呢個現象啦~)

雙下巴....

我一向都有....希望可以整走~

表情紋少咗~

阿技多表情, 所以紋都唔少..

係呢個發佈會上,

有機會比我見到真人版,

韓瑪莉小姐,

原來佢都有做過THERMAGE,

從高清電視中見到佢D肌膚已經好得,

圖片來源:http://www.theztyle.com/blog/space.php?uid=13844&do=blog&id=60076

所以我更想做呢部機呢?

原來呢部機只需要做一次, 便可以有2年的效果,

對..你冇睇錯...係2年!!

咁樣有數得計, 應該都抵玩下~

大家或者對呢部機了解唔多, 

我長氣少少咁講下:

Thermage CPT 技術更安全地把熱力傳送到更深層的皮膚底層

同時令膠原蛋白收緊, 真皮層因受熱收縮而產生緊緻效

皮下組織層 Fibrous Septae 受熱收緊，使輪廓立即收緊，改善鬆弛 .

係咪睇完呢PART, 已經心動了,

所以在上年12月尾,

比錢了~ (分期呢~)

無得再心大心細啦~!!

一比完錢, 我既一生開始改寫!

仲記得那一日既夜晚,

放工後換好衫, 便瞓在"手術床"上,

(其實係普通的美容床)

講真, 大拿拿咁多錢拎出來,

我當然對呢個FACIAL 有期望, 有期望自然會緊張啦~!!!!!

所以拎埋相機入去...影底呢個大手術!

治療師一入到房, 便幫我洗面, 落妝, 消毒同埋..打格仔!

我便開始比人打格仔!

四仔冇格仔!!! 好明顯我唔係拍四仔啦~HAHAHA

點解要打格仔,

因為等陣治療師會把按頭放在格上,

一下一下的,

有了格仔, 便會更準確同埋減少出錯機會~!!

就係呢部機, 價值百萬,

真係估你唔到~!!!

我手上的便是THERMAGE 的頭,

跟我面上的一格一格是剛剛好呢~!!!

 見到呢張相,

唔好以為好舒服阿..

笑唔得耐!!

或者我分享下打的感覺係點~!

一下一下的把熱傳入皮膚入面,

由於高溫, 所以會配合震動, 令大腦有錯覺, 分散痛楚~!

嗱嗱嗱嗱...

以下有少少粗俗的對話,

治療師: 郭小姐, 如果五級痛, 你宜家覺得係咩級數呢?

技: 七級阿~!!頂!!!好X 痛阿! 大佬阿, 可唔可以輕手D?

治療師: 郭小姐, 骨位為置係會比較有感覺的, 你忍多一忍吧!!

技: 大佬! 我大拿拿比咗咁多錢, 可以有咩方法冇咁痛!

治療師: 郭小姐, 我可以令你舒服點, 但係變咗冇功效呢~ 既然你比得咁多錢, 都係想要效果啫, 你還是忍多忍啦~!!如果你真係仲好痛既...我比我隻手你捉住啦~

技: (有少少唔好意思) 你講得啱! 我忍你~!

見到嗎..? 眼水都標埋~!

成個過程, 都大約打咗成個鐘~

個種渡日如年的感覺真攪命!!

大家唔好笑住, 用心D睇下我既成果..

分享下我半边面的成果呢`~

我左边係明顯FIRM 咗!

係阿~~

好...做個總結先!!

即時做到提升~~ (AGREE)

緊緻皮膚~~( 即時FIRM 咗..算唔算?)

輪廓明顯返~( 我個包包面冇咗~)

雙下巴變小( 有返輪廓!)

膚質變好( 我覺得幼細咗)

整體個樣細個咗~~!!

算是成功嗎? 講真值唔值..我真係唔識答你.....但

這個FAICAL 只需要做一次, 便可以有2年效果,

其實都算抵阿~

我暫時都係三個月貨仔,

希望半年後效果更佳更好啦~