濕疹人生: February 2012

email:iammisskwok@gmail.com

my workshop web site:http://d-squarebeauty.photogala.com

Sunday, February 26, 2012

一直渴望的GIORGIO ARMANI 從內而外美麗肌膚, 光華再生亮白系列大發佈~

一向都係GIORGIO ARMANI的粉絲的我,

化妝工作上都會選用ARMANI 粉底,

因為效果夠薄之外,

份量只要好少已經夠復蓋全面範圍.

所以一直都係我信心之選!

早前有機會出席GIORGIO ARMANI 新品發佈會( 一直都唔相信會邀請我出席, 受寵若驚中),

見到今季推出主題係" LUMINESSENCE ARMANI LIGHT" 光芒精華會萃.

分別係從底層透現ARMANI LIGHT 同從外燃亮ARMANI LIGHT .

即係由底而外的系列啦~

今次會場係中環CENTRAL PLAZA 75樓,

果然係一個名貴高檔的品牌,

地方都額外不同.

一去到會場,

便有專業的化妝師為我們講解同試一試今期既彩妝品.

等我介紹下今次既新品啦~

今次既新品係Luminessence精華.

同彩妝粉餅.

就係圖片所見啦~

當然有咁大個化妝櫃台係度,

我就有機會試下同體驗下啦~

呢支就係"誘發光華"的再生亮白精華爽膚水,

能夠滋潤, 細滑同均勻膚色.

用法係洗完面後,

把光華再生亮白精華爽膚水倒在綿花上,

再塗在面上,

出來感覺很清爽呢~

加上呢隻爽膚水內含BRIGHT- REGEN 亮白科技 + 保濕因子能夠做到水份鎖至皮膚表層.

所以係可以做到活膚水同亮白修護呢.

在場的化妝師介紹說,

因為好的爽膚水係可以令皮膚更好的吸收之後既精華素.

係用完爽膚水後, 便用光華再生亮白修護精華,

可以抗色斑, 抗皺紋同收毛孔,

由於入面有突破性劑量濃度特高,

七葉素ESCIN 可以做到刺激微循環,

同埋腺苷ADENOSINE 可以做到抗皺紋同收毛孔.

把數滴的精華滴在手心,

跟著可以在面上輕輕的推開,

直至吸收!

質感上係比較水,

推開時會覺得很滑,

所以吸收比較快.

推開後,

即時見到手背的乾紋淡咗同磁潤呢~!

係吸收完畢後,

便可以塗上光華再生亮白霜,

呢個質地明顯地係比較杰身.

哈!由於我要影靚相, 只好借敗金族既手示範吧~

好似一層保護膜的包住頭先所搽的精華素咁!

其實大家可以好好利用靚既精華素同面霜,

加上自己既按摩,

可以令自己既皮膚吸收後效果更事半功倍呢~!!

唔識按摩?

唔緊要,

我問咗在場的化妝師,

(講真個個在場的化妝師都係靚仔靚女, 仲有阿..個個都好PROFESSIONAL咁阿~)

佢教我地用手指上下的拉,

做成好似"MEET" 皮的感覺~!!

即係咁!(睇圖)

兩隻手上下反方向的拉,

可以有效令面上細紋減淡的~~~

大家後生女, 唔好以為未有紋可以唔使按摩阿~~

預防勝於治療.

未出紋前先保養,

總好過出咗紋後去整走佢阿~

係咪~~

發佈會當日,除咗有得試下護膚系列之外,

仲請到由外國GIORGIO ARMANI 高層同MANAGER 來同我地分享成效同講下研發過程同實驗!!

(想要呢D資料, 可以去佢地WEB SITE 了解多D)

不過最吸引我既係彩妝示範~~!!!!!!

作為一個化妝師既我,

有機會可以從中偷師,

真係好開心阿~

大家未必知道,

平日好著重美白的朋友,

原來只要20分鐘沒有塗上防曬,

2年既美白修護都會白癈啦~~~~~~~~~~~~~~~~~~~~~~~~~~~~`

所以平時出街,

一定要搽防曬呢~!

大家係咪覺得日日都要搽咁多野係面好煩呢?!

今次呢支真係唔可以唔介紹,

就係...

光華再生亮膚BB霜,

內含SPF 50/PA+++

防曬度數夠高,

唔怕出面日曬同係公司入面的幅射而變黑啦!

講得係BB霜,

當然係有色的架啦~

色方面係好自然的肉色,

好易推開, 同埋好有效咁令面部膚色均勻返.

由於入面成份有原紗色調(GREIGE)

所以BB CREAM質地夠緻絨軟,

可以好快咁融入皮膚,

效果極度自然!

之後你可以再用今季新品LUMINESSENCE BRIGHT MAKEUP VEIL SPF35/PA+++

係一個含有普魯士藍珠光同白珍珠母,

可以做到冗肌膚透亮度呢!!!!(大愛)

粉餅一共六隻色調,

總有一種啱自己.

而阿技特別推介的係....

佢個卜形既掃,

係有別於以前的一個粉卜,

好處係咩?

係可以有效咁用係全面任何一個位置(即係點?),

例如鼻翼位眼角位咁,

有時好難上到色,

有呢個卜,

便可以好隨心咁上到粉而又唔會厚咗~!

打完底後,

便到彩妝,

今季的色都係比較春天色,

不會太SHARP,

但又會比冬天的大地色有返少少色彩.

等在場既靚仔BA 同靚女BA 同我地示範下啦~~

BA 們建議我們可以用GIORGIO ARMANI 既眼線筆推開作打底,

再用加上眼影呢~

(借在場示範中的ELZSE 樣一用!!)

咁樣個妝會更KEEP得更持久呢~~!

哈..

估唔到這個發佈會中,

可以得到咁多美容知識同化妝技巧,

真係對GIORGIO ARMANI 又認識多咗!

大家係來緊的新一季護膚品同化妝品搵到心水未呢?

我就搵到啦~~

( 我既客仔, 你地有福啦!!)

今日分享住咁多先,

下次同大家分享我用GIORGIO ARMANI 用成點啦~

如果要知道技寨的動態, 可以ADD 技寨面書專頁, 隨時又會有送影相化妝大禮呢~

想搵我?

email:iammisskwok@gmail.com

my workshop web site:http://d-squarebeauty.photogala.com

Saturday, February 25, 2012

一個令人滿意的效果. 我唔想再鬆落去@CosMedic

太包啦..太包啦..

阿技塊面越來越包啦!

點算!!!

除咗減肥外,

便是去瘦面!

醫學美容現在開始普及,

全部都係以高科技醫學理論,

結合客人個人化之需要而提供服務.

高科技的效果總比喜舊式的效果更快同深入.

而今次有機會試下CB美利天下(CoseMedic Beautria) 的毛孔膠原緊緻療程,

再一次親身感受採用「雙極射頻」的神奇效果~!

其實2010年時, 阿技已經試過這一個「雙極射頻」,

而地點就係係銅鑼灣分店.

當時效果都係即時見,

同埋都KEEP 到個多星期!

而今次阿技會到中環的分店進行「雙極射頻」,

利用光學引導, 將微電流深入真皮層,

把老化膠原蛋白破壞, 誘發自我增生及重組系統,

製造出優質和充滿彈性的膠原蛋白.

係進行療程前,

先會進行一個皮膚分析.

利用儀器去分析問題所在.

可以睇到自己既色素分配得好唔好,

同埋可以睇下自己的低層有冇斑的形成.

了解過後,

便開始入房!

係呢個毛孔膠原緊緻BOUNCY PORES ST 中,

先同我做咗面部清潔,

連STEAM,

針清,

修眉,

按摩,

跟著便到戲肉!!!

呢個FACIAL 既效果係可以做到..

緊緻毛孔，重整骨膠原蛋白，令皮膚變得豐盈有彈性，具保養及預防的療效

先比大家睇下我既問題所在先.

見到嗎?

近頸部的位置係比較脹同鬆.

肌肉欠缺彈性!

好啦....知道BEFORE 個樣後...瞓底,

可以開始啦~

先係面上搽上冷凍啫喱.

跟著個儀器會係面上一下一下咁移動,

每一下都會覺很種微熱的感覺.

同埋有燈係度閃閃下!

治療師先幫我做咗半边面,

跟著可以影相,

比較下分別!

呢張相影得有點過咗D.

係右手边係做左的一PART.

面形係FIRM 咗同提升咗.

(雖然影出來效果不太好, 不過大家可以從我眼角位見到嗎?)

眼角位係明顯見到提升咗.

比起我既隻眼..係冇咁下垂的~

開再打埋另一边面後...

治療師會再同我敷埋面膜便完成.

AFTER 圖後,

呢張影得正面D.

係我頸係比較粗( 濕疹呢)

但面形明顯係FIRM 咗同冇咁鬆.

眼角同老虎紋都係淡咗~

效果令人滿意.

效果一股可以KEEP 到2星期左右,

因為我既自我更生能力提高咗,

同重組過程快咗,

所以會KEEP 住靚呢~

不過治療師都要我注要保養,

因為面部皮膚會比較乾,

要加強保濕唷~

大家如想了解更多,

可以到美利天下 (按我)

睇下啦~

如果要知道技寨的動態, 可以ADD 技寨面書專頁, 隨時又會有送影相化妝大禮呢~

想搵我?

email:iammisskwok@gmail.com

http://youtu.be/8aGZB8s_mWw

my workshop web site:http://d-squarebeauty.photogala.com

Thursday, February 23, 2012

濕疹朋友我地有救啦~~~~~~ ( 爛肉記)

今日.....有個好消息,

有個醫師同我講,

我既濕疹係有得醫~~~~~~~~~~~~~~~~~~

(傳說中既濕疹係冇得醫呢~)

呢個消息, 可以話係拍得住中獎一樣!

自小, 濕疹已經跟著我...

爛肉, 乾裂, 膚色變得灰黑都已經習以為常,

皮膚絶從不敢露於人前!

(或者自有濕疹既朋友先會明白個種辛苦同痛楚!)

不過我深信好快,

我可以好返,

只要你肯面對同醫治!

今日我見咗一位醫師,

她跟我做了皮膚分柝,

說了我既濕疹係屬於砒霜毒所引致.

大家或者會問,

阿技...你食砒霜嗎?

唔好誤會,

污染食水, 海產, 魚油丸, 魚肝油丸...等等都會含有呢種毒!!!

醫師從我的膚色中分辨出!! (當然也有儀器可以測量到呢~)

至於我的膚色係暗黃,

眼圈位置瘀黑,

濕疹位置灰瘀,

血液較杰.

這都是屬於砒霜毒的徵狀.

同時由於淋巴腺位淤塞,

所以頸部較粗同腫,

(連頸後骨位都唔明顯),

所以引致面同頸同肩膀位腫脹.

鎖骨都消失埋<---原來同我肥係冇關!

醫師也幫我做咗個全身既檢查,

發現我體內有好多毒素,

引致消化系統唔好.

其中一樣係測試到我身上"氯"係超高.

"氯"係水份入面必有的,

而醫師發現我"氯"係超高便問我:沖涼沖好耐嗎?

(你點知阿???!!!!! 神阿~~你乜都知既?)

醫師說:濕疹皮膚唔應該沖咁耐涼的...!!!!!

還有缺乏鈣同鋅,

導致出現好多問題~!!

其實阿技係早幾年做過一個血液測試,

檢查自己對咩野食物敏感,

跟著就介口,

避咗佢.

原來呢個測試真係有用,

因為醫師都說,

要治療得正確,

必須要了解自己對什麼好同唔好,

例如: 芋頭本身係好好的東西,

自己以為多食有好處, 但點知原來我對芋頭係敏感的,

反而越食越錯~!!!

醫師也說,

要令濕疹醫好,

先要排毒

再提供身體應要的營養,

令免疫力增強,

從而改善皮膚!

大家唔好以為我短短一篇文可以話比大家知我點樣醫好,

始終都係一個治療方法,

加上人人體質都唔同,

唔可以一概而論呢~

而我會開始服用醫師既葯,

還會不時同大家分享我既醫治進度.

希望係度可以同大家分享度我既康復喜悅啦~

不過可以比d tips 大家,

濕疹朋友應該同不應該做既事:

1. 請介甜食.

原來食咗甜野係容易引發身痕的..

2. 少食街边野

出面好多味精都會引起敏感的...

3. 多吃omega3

濕疹朋友皮膚好乾, omega3 係可以令你細胞滋潤! 從而有返光澤同埋水潤感.

4. 多食紅菜頭

可以清肝補血呢~~~~

濕疹朋友,

真心忠告,

西醫葯係快止痕, 止敏感,

但係唔可以長遠食的~~

(今日做個個檢查先知我係有西約敏感的~!!! 仲往我食咗咁多年!!)

排清所有毒素,

改善免疫系統先係辨法!

你地如想要醫師資料,

請私下留言啦~

(唔想變咗廣告)

Friday, February 17, 2012

Dr.Marten 的First Love!!! 我應該買咩色好呢?

戀愛季節即將來啦~

有戀人的會更甜蜜,

單身的朋友也應該做好準備,

等待他的出現~!

FIRST LOVE ,

你會諗起D咩?

有人說,

初戀總是令人難以忘記,

永遠是深刻的~

對嗎?

我唔敢否定,

但是早前見到Dr. Marten 出新鞋,

用咗Love and Forever -- First Love 做Slogan.

而廣告更是一輯好靚既相.

係講述Agyness Deyn 同Ast Stymest 一次即興去英國而出現咗好多第一次.

或者係度真係要分享下D靚相先~

D 相除咗令人好有感覺之外,

佢地著既鞋....仲正.

可能自己一向成日著都係波鞋.

所以見到呢D 靚款,

即刻自我燃燒~~~~~

不過我相信Dr. Marten 係我由細到大出既款都係一哥.

好有自己的風格同埋永遠唔覺得OUT DATE.

好配合FOREVER 呢個概念.

而今季春天,

又有一場大火即將來到..

睇相啦~

睇定自己既心水啦~~

(低: $1935-$1399)

呢個看似男裝,

(高筒: $1699)

其實係一個中性既系列.

著重質量的WINDSOR系列用上經典顏色及設計配以高調的鞋邊車線。

以Alfred鞋款及Barrett tassel loafer鞋款配上專為夏天而設計的純白鞋底，

部份款式鞋面更採用了由British Millerain Co. Ltd提供的防水蠟帆布，

種種不同元素將昔日經典重新演繹。

(高筒: $1029, 低: $899)

而我既心水係度啦~~~ 你地覺得边隻色靚呢?

經典重現1460系列 (女仕)

經典的1460, 8孔鞋款系列，

配以輕而軟身的粉啞色皮革，

注入四種活潑鮮明的顏色。

(高筒: $1159, 低: $989)

而另一款,

我覺得好有突破性的~

維多利亞花卉圖案系列 (中性及女仕)

花卉圖案一向是Dr. Martens的代表作。

春夏系列為女仕們準備了以花卉圖案及刺繡織錦的名貴布料，

同時為男女仕準備了大膽前衛的3孔選擇。

($1159)

我覺得好型阿~~~~

一下子見到咁多心水..

我決定買高筒的..

但款仲未決定好阿~~~~(掙扎)

除咗鞋.

仲有衫呢~~

好有英國風.

不過不是我行的路線!

今次呢個FIRST LOVE 主題,

真係對我來講係一團火.

係時候出動啦~

想睇更多?

比個足本MV 你睇.

Dr. Martens SS12 FIRST LOVE Film:

更多資料：

歡迎瀏覽 Dr. Martens網站： http://www.drmartens.com/

香港Dr. Martens facebook 粉絲專頁: http://www.facebook.com/drmartenshk

售賣點：

Dr. Martens專門店尖沙咀喜來登酒店商場地庫B07號鋪

Dr. Martens專櫃尖沙咀海運大廈3樓LCX

如果要知道技寨的動態, 可以ADD 技寨面書專頁, 隨時又會有送影相化妝大禮呢~

想搵我?

email:iammisskwok@gmail.com