Wednesday, November 27, 2013

賴太太新手主婦生活:新品初試,30分鐘完成,超簡單零失敗小吃---士多啤梨麥片夾心曲奇

近期係YOUTUBE 見到一些外國女仔的自創食譜, 

睇真係好容易, 加上食材好易搵, 又唔貴

所以....跟啦~~~~~

今次我試了這一個士多啤梨麥片餅, 

好啱早餐食~!

材料: 麥片一碗
梳打粉一匙 , 
麵粉一碗.
果醬一樽 ( 我用咗1/3樽整6件)
檸檬汁一匙
牛油( 室溫) 一條,
黄糖半碗.

預熱焗爐至170度( 一早開定)

(其實所有份量都係可加可減, 視乎你想食鬆D定實D~!)

1. 先把牛油混合黃糖...由於小妹怕肥....牛油不算用得很多...

2. 把麵粉, 梳打粉及麥片混合.

3. 把(1) 加入(2)中, 再混合至麥片少少濕但又鬆....用手按時會結合一舊

4. 幫盤搽油防"痴"底.



5. 用匙把(3)放入盤, 份量1/3 個盤深就夠! 再用匙壓平..( 我貪心..大力咗.....所以出來大點硬同厚)

6.壓平後再把混合了檸檬汁的果醬加入! (你可以加入自己喜歡的醬)
份量隨自己喜歡, 我想甜D就加厚D~)


7. 再係醬面把剩餘麥片加入蓋面. 輕輕按, 等醬可以把麥片痴住.
8. 完成後可以放入爐 (時間為25分鐘)

約到20分鐘, 已經成屋好香.....


9.20 分鐘後的模樣, 我覺得可以再焗多一陣..

10. 25分鐘後再放5-10分鐘待涼, 就可以脫模. (即係食得)


個人分享: 底可以不用壓得太實, 否則會太硬...

如時間許可, 可以多加一層果醬, 變做千層餅呢~~




大家可以參考呢個外國女仔既造法呢~

Tuesday, November 26, 2013

賴太太新手主婦生活:馬卡龍七次失敗之謎+ 解決方法+ 成功食譜提供

1.請不要盡信youtube 或書本上既打蛋白時間,人人的打蛋機都不一,自己睇實打蛋情況較好!

看! 誤信別人說約打10分鐘就可以了,我只打了5分鐘,已經over … 
不是人家的食譜錯,而是自己沒有留意自己的打蛋器太勁啦!

2. 從這圖片中,已經看得出小妹係控制吱咀力度中很新手,時多時少! 建議先吱練習吱好圖形吧!先再學吱公仔呢! 

還有見到中間的馬卡龍很黃嗎? 跟周圍的有分別呢!
這就是我新買的爐的發熱區跟以前的不同,而我沒有留意到!人放我又放,引致另一次失敗!

 
3.這個就是失敗既表表姐,成日見到人地話放室溫要夠至少30分鐘,等個面乾爽成一層膜才放入爐!老實,這個我放了40分鐘,一心諗住ok… 自己冇check 過個面就入爐了,結果點?
變月球表面既餅乾囉!

4. 見到個底痴立立,濕到有水點,原來係我把蛋白加入粉時搞得太耐啦!點解搞咁耐?



5. 因為原來我一直冇留意我屋企既砂糖係粗砂,唔係幼砂,所以當打蛋白後發現個底仲有糖,於是咪搞多2下!咁咪出事囉!

6.近期成日見到大家講用120度焗13分鐘就ok!
我都ok ar … 不過個底就仲爭d… 後來才發現自己個爐冇下火, 哎呀,點會咁阿!解決方法,12分鐘後從中間格拎出來放下一層焗多2分鐘啦!

7. 今次叫做成功...不過大家有冇見到邊位的馬卡龍係歪面的...
原因...就係我個盤唔平的關係...
又係失敗既原因之一!!


試過七次的馬卡龍失敗, 終於捉到技巧啦~

以下係我跟既食譜.

希望幫到大家!


甲油mix n match(彩點, 灰,灰藍)

Modi (圖左)是近期我關注既品牌,當中彩點這一支更是我心水,編號 #121 

O.P.I 我相信好多朋友都會用過既牌子,呢隻色係灰白的,兩層已經超實色,細細支有時都唔錯呢!

Bourjois 由始至始都係我大力推薦既品牌,原因是很易搽,一層已經好好實色!加上個掃能覆蓋很大塊甲面,仲有這品牌其中一條line真係做到甲油如gel甲既效果,呢個連面油都可以慳返!圖中為深灰藍色,我通常會用作單色使用,但今次試下用作底色再加上彩點,效果更出!

灰白色打底都有另一種感覺呢!

至於面油用咗deborah 既大熱lipomann … 
效果……我覺得很一般!


Wednesday, November 20, 2013

十分鐘內完成的免焗小點--黑礦石曲奇








黑礦石曲奇材料:

OREO 約20塊去除夾心, 
綿花糖約10粒(大SIZE)
牛油少許




把OREO除去夾心後放入保鮮袋壓碎備用.

鑊落少許牛油, 

溶後把綿花糖加入 .

轉至慢火, 待綿花糖溶後, 

熄火加入oreo 餅碎.


動作快手的攪至結合

放入器皿中, 

同時砌出所需形狀,

由於我打算一口一粒, 

所以壓成塊狀, 

待涼後可切成小件.

口感方面: 硬身的...
由於綿花糖溶後再乾的關係...會有反光效果.

合適: 有牙力的朋友,

慢慢硬同含會比較好.

味道方面,

不算太甜,

很香的朱古力加綿花糖味....(鬼唔知咩~~)

希望大家鐘意呢個新品初試啦~

Sunday, November 17, 2013

技之嘗試-杏仁酥

材料:
蛋白一隻
糖霜40g
砂糖少許(因個人喜好而定)
杏仁片 少許
酥皮一塊

Step 1:
蛋白跟糖霜混合成蛋白霜


Step 2:酥皮解凍後, 蛋白霜搽面, 再舖上杏仁片.

杏仁片份量因個人喜好而定, 

但太多的杏仁片會令酥皮升不起.
Step 3: 把杏仁片舖滿後, 可放入雪櫃雪15分鐘.

Step 4:把酥皮切小份, Size 隨你喜歡 !( 我喜歡方形 ^.^) 焗爐預熱180度備用.
在放入焗爐前, 可再搽蛋白霜和加入砂糖 , 令杏仁酥更甜.
 Step 5: 入爐焗15分鐘即成^.^


配上花茶作茶點....正阿~~~~~

Sunday, November 3, 2013

Sofina 高濃度W雙效抗皺精華和重點提升抗皺眼膜試用分享


阿技早前很榮幸得到Sofina 的邀請, 

有機會試用Sofina 的抗皺精華和眼膜.

經過個多星期的日日試, 

可以做出以下的試用報告.



Sofina Beaute Enriched Wrinkle Essence
高濃度W雙效抗皺精華

重點是可以雙重去皺回彈配方加入大米精華肽,

能同時針對彈力纖維及骨膠原的修復及增生。

達到12小時持久滋潤能即時減淡幼紋、舒緩乾燥感 



小妹早晚都有使用,

用係眼角, 咀角同額頭的"車軚紋".

在質地上, 是很滑的質感, 少少覺得厚身的感覺.

而不是很水的....(讚)

用在早上上妝前也很舒服,

因為不會引致浮粉同起擦膠粒.

效果方面: 使用後明顯地皮膚變得幼細了,

加上滋潤較強, 乾紋明顯地減少了! 

而且有種水潤的質感, 看似皮膚飽滿了的感覺!

參照官方的使用方法:

連續早晚使用,全面肌膚回復緊緻彈力,幼嫩細滑。

眼尾、眼下及嘴角笑紋顯著撫平,回復健康神采。

我個人建議, 可以在上妝前作打底呢~!

售價:HKD$390

另外一款的眼膜, 是我極力推介的...


Sofina Beaute Wrinkle Sheet Pack
重點提升抗皺眼膜

我個人喜歡的原因就是這個透過獨特黏貼質地產生「密封效應」的設計, 

不論我跑跳, 

工作中, 吹頭中, 都可以活動. 不怕眼膜跌下來 , 

或眼膜的精華素向下流....成面都係!

同時...敷完眼角就可以敷咀角...

之後再敷額頭, 真係抵用!

只需15分鐘,即時平復眼尾、眼下皺紋、眼袋及嘴角的笑紋,

提升肌膚的緊緻彈性,令粉底能緊貼在眼部及嘴角周圍的肌膚。

售價:HKD$220/ 12





使用後的分享:

我個人覺得眼膜的設計值得加分.

效果方面都不錯, 

尤其是近日天氣較乾燥, 

這眼膜比起從前濕到漏水的來說更有較.



謝謝收看^.^





Saturday, November 2, 2013

賴太太新手主婦生活: 朱古力棉花脆脆
















阿技自從做咗人妻, 學習煮野食都係必要的,

就算有工人姐姐都好, 

留住老公的味蕾都是太太的責任,

所以不停的學...

今次要分享的就係....



朱古力棉花脆脆

材料:

牛油5磚(茶餐廳嗰d獨立裝)
一包細粒棉花糖
朱古力味可可米半盒(大盒裝, 係超市有得買, 家樂氏粟米片果類)

p.s: 先溶牛油,牛油越多米通越鬆!

1. 然後落棉花糖(細糖易溶),待全部棉花糖溶化後倒入可可米(可用原味),熄火

2. 快攪拌至粒粒可可米都痴住至一舊,即刻入容器,壓平待涼,約半小時後會定哂形(不用放雪櫃),食得!

可加入果仁或果乾!

Meet The Author

濕疹令我變得美麗,變得健康,變得堅強! 奇怪嗎? 病發至今,就憑這餐單陪我度過最黑暗時期,同時也令我簡單地減了12磅。。。 我相信,距離康復不遠了。