Sunday, December 21, 2014

食物敏感, 需要戒食乳製品?從認識食物標籤開始!

自從知道自己對於乳製品是其中一個敏感源後開始,
決心要戒掉, 目的還是給自己一個健康的身體, 希望不用再受濕疹, 痕癢影響日常生活, 交際及工作.

如何知道自己的敏感源?

早前跟大家分享了這篇文章: 

專題介紹: 食品敏感測試, 找出引發濕疹的致敏食物, 向濕疹SAY BYEBYE!

在這篇文章分享後, 收到很多查詢, 有關如何避免接觸食物敏感源? 索取濕疹食譜? 何處做食物敏感測試?濕疹護理..等等問題. 對於第一個問題如何避免接觸食物敏感源, 我發覺很多人會誤會了, 覺得唔買乳製品就是等於完全避開, 但是大家或許去疏忽了乳製品還會有很多其他製品, 
例如: PIZZA, 泡芙, 朱古力...等等.一旦錯誤地進食, 也是徒勞無功的.


所以我主張是了解食物製造過程,材料和產地來源, 這樣才可以有效地遠離致敏食物! 

*像是很難,但其實很易, 只要多加留心, 就可以有個健康身體!

今次這個分享,就是分享美食第一步, 材料的食物標籤!

先了解乳製品, 以下就是常見到的以下製品或材料:

1. 奶, 奶昔, 冷凍奶凍, 花奶, 煉奶
2.芝士
3.牛油類
4.奶黃,布丁,優酪乳,起司, 雪糕, 忌廉

5. 烘焙食物, 例如: 蛋糕, 沙翁, 窩夫, 司康餅(英國鬆餅),餅乾, 熱香餅




6. 薯蓉, 忌廉湯, 加工後肉類( 午餐肉, 芝士腸) , 肉汁.





7. 加工後的小吃 (薯片), 朱古力, 糖果糕點





8. 麵包, 比薩






要戒掉這類食品真的不易, 因為很多美食都包含此類成份!

但請不要灰心, 我們只需用其他代用食品取代這類成份,同樣也可以享受到這種美食呢!

(有我跟你們一起作戰吧!! 多多關注濕疹人食譜吧!)


除此之外, 還有一樣東西大家要留意, 就是....食物標籤!!!

在一些大型的超市中, 有時會可以購買到一些食材, 想知道這些食材會否包含乳製品, 

那你需要留意以下的標籤:


1. Butter, Butter Oil

2. Casein, caseinate, calcium caseinate  (蛋白)

3. Cheese

4. Cream, Light cream

5. Demineralised whey (乳清類)

6. Beta-lactoglobulin (β-乳球蛋白)
7 Alpha-lactalbumin ( α-乳清蛋白)
8. Fat Replacement
9. Non-fat milk
10. Milk powder, skimmed milk powder
11. Milk solids, non-fat milk solids
12. Whey, sweet whey powder


由於含乳製品的食物很多, 大家在購買不同食材前, 切記留意食物標籤阿!


下回預告: 遠離敏感源, 乳製品的代替品!

Monday, December 15, 2014

濕疹人食譜(八)藜麥薏米甜粥(豆漿底)

自從做完食物敏感測試之後, 
發現原來我可以食得返好多野.

於是以我份報告做藍本, 

創出我自己啱食既食譜.




材料:(二人份量)

藜麥一碗
薏米半碗
蕃薯一個

豆漿兩碗

藜麥是一種非常健康有營養的食物, 可以代替米飯的, 也可以做沙拉, 餅, 糖水....等等.

煮法好簡單, 

1.先把藜麥浸半小時, 然後把水去掉, 
2.薏米浸2小時
3,準備兩碗水份量, 慢火把藜麥煮,先會見到水滾後, 藜麥會吸水, 
4.加入己浸的薏米, 4碗水入(3)
5.至水滾後加入蕃薯.
6.煲至林身完成.備用.

食用時可配豆漿或鮮奶, 但由於小妹對奶類是敏感的, 所以配上少糖豆漿都非常美味.

豆漿或鮮奶加熱至滾. 加入已煲好的藜麥薏米蕃薯蓉, 由於藜麥會很吸水, 所以煲至杰身是正常的, 同時可因個人喜好, 調教質地.

如想稀, 就可以多奶或多豆漿, 如想杰身那可加藜麥薏米蕃薯蓉.

歡迎查詢或意見分享: iammisskwok@gmail.com


Wednesday, December 3, 2014

專題介紹: 食品敏感測試, 找出引發濕疹的致敏食物, 向濕疹SAY BYEBYE!



大家認識DION, 可能因為濕疹的原固,由細都大都有濕疹, 主要都是出現在關節位置. 細細撻, 忍得住~~~

可惜今年因為食中葯打算調理身子要小朋友的關係, 才發現自己身體原來對中葯是過敏的, 濕疹即是大爆發, 繼而變種而癬, 一發不可收拾!!

由於當時太嚴重的關係, 全身通紅色的肌膚, 嚇怕了身邊的人, 包括自己! 火燒的刺痛引致想死自殺的念頭也很多次, 家人, 朋友....真的被我嚇怕.當時既情形, 我相信一世都會記著!!

病發太嚴重了, 看過皮膚專科, 給我食的都是類固醇.(我相信大家都知道類固醇的副作用)...由於我的服量需要很多很多, 副作用一定很大!!!

當時記得2008年, 曾經做過一次食物測試, 驗出很多食物我都會敏感, 但胃食的我, 要忍口卻很難. 但是現在的病發, 不得不承認, 戒口可能是我唯一的方法.

於是就在當時幫我驗血的醫生觀察著我的病例下, 展開了戒口人生.由2014年6月開始跟6年前的戒口清單開始戒口後, 情況開始好轉.
(6年前的測試結果)




就在這時候, 我不斷的在FACEBOOK , 個人網站分享戒口既食譜, 希望可以勉勵各位病友, 濕疹雖然不能斷尾, 但係可以減少發出來的, 透過大家分享護理心得, 戒口食譜, 令大家都可以有更健康的新生活.
(今年病發後醫生再加比我戒口的食物單)

2014年11月了, 戒口快足半年了, 濕疹都退得7788,由於食得健康, 體重也減了18磅.皮膚好咗. 痕都少咗. 不過因為自己戒口都很清淡, 但還有點退不到, 所以我再進行了第二次的食物測試.

2008年的測試, 我記得約3000元, 
2014年再測試, 價錢約4000元, 
(這些錢, 慳不了!)

其實這個食物測試正確名稱是: 食物免疫球蛋白G(IgG) 抗體測試.

抽血可以測試到什麼? 

報告會列出身體對該類食物產生的反應數字, 分類為: 偏高, 臨界或正常.
即是反應大的, 就要避免進食!

有了這樣的報告, 就可以知道自己可以食同不可以食的食物. 致敏的風險就可以減少了!


今次的測試報告還會教我了解食物的不耐, 教你計劃膳食方案, 例如什麼食物可以取代雞蛋的蛋白質呢? 如何避免蛋類食物/小麥食物等等...

還有....包一次見營養師的服務, 可以更詳細的解釋自己的測試結果和教你點樣食野才會健康.




大家會問, 6年前的結果跟今次的結果會是一樣嗎?

答: 20%的變了, 6年前報告說不可以食香蕉, 但今次報告又說可以了. 但牛奶, 小麥, 麩質, 酵母食物都仍是對我來說是高危!!

點解要做呢個TEST?

答: 戒口的而者是可以減少接觸致敏原, 但是到底戒那些才有效?全部戒清? 很苦阿~!!原來我一直以為自己唔可以食蛋黃, 於是就淨食蛋白, 但從今次的測試才知道自己對蛋白是高危, 相反蛋黃可以任食呢~!!!

其實人人體質都不一樣, 跟著別人亂戒口, 未必會見效啊, 還會苦了自己呢~!!

價錢是劃一價嗎?

價錢方面: 4000蚊連抽血化驗,加一次營養師服務。
化驗方面就有驗延遲食物敏感222種,咁就4000,如果加多22種吸入接觸,同15種即時就4780。
你可以因自己要求去配合想驗幾多野。
你想知詳情,可以打去問29878508 ,了解清楚先啦!
在美邦體檢中心3間分店,及譽海指定既化驗所.

(澳門都有)
http://drchengmacau.com
電話: (853)28528155
傳真: (853)28322591
地址殷皇子馬路47號澳門廣場11樓D
大家可以參考一下~!

你可以話係睇到facebook 濕疹人生介紹或話Dion介紹都可以。

佢地會比到專業意見你的。



大家有什麼查詢或意見, 歡迎跟我聯絡: iammisskwok@gmail.com
Facebook: 濕疹人生





Tuesday, December 2, 2014

泰國自駕遊租車攻略

旅行識玩當然會選擇自由行, 
如有國際車牌, 又自命有信心駕駛的話, 自駕遊必然係一個好既選擇!

今次同大家分享係泰國十日的自駕遊行程同慳錢攻略~
希望就所見所聞的報料可以給大家出發前更多資訊,做好功課, 玩得更爽~!!!!

十日泰國玩D咩?

先講行程,機票會是買布吉入, 曼谷走, 由南玩上去, 約1200公里的旅程.... (長征!!)
當然中間會停下玩下, 嘆下,享受下的~~~ 

在泰國有不同的租車公司, 全部都可以全國通行, 不過邊間好? 價錢又合理?車輛質素, 客戶服務, 提供協助等等都是考慮因素.話哂唔係自己地頭, 車輛有咩事, 呼天不應, 叫地不聞時點算好喎~!!


今次所租車的公司HERTZ!


租車注意事項!

1. 係泰國自駕遊都唔係第一次, 之前租過A字頭的那一間, 有過不愉快經歷,
例如:飛機DELAY 引致遲攞車都係會罰錢, 罰錢係比返員工等我地攞車的OT 錢喎!
過時還車會罰錢(一小時內)~~~!!! 還有車的款色....不多!!! 車款較舊!

2. 大家可以留意自己的信用咭優惠的關係, 我地用的信用咭可以有FREE UPGRADE .香港上網睇定, 卜定.(不過錢就唔好過數住) 但係我地都出現一個問題, 就係去到佢話我地卜定的款車冇哂, 於是再比我地用同等價錢選另一款更好更新的車輛.

3. 租的日子越長, 價錢越抵! 十日行程,不過我們租七日就夠了~!!

4. 車的保險一定要買, 攞車時記得CHECK 清楚花痕位置, 任何唔對路的位置最好影埋相, 不過HERTZ 車的職員都會提你" 你買咗全保, 唔使担心~~~!!" (英文)

5. 還有很重要的一點, 就係要知道自己還車的地方. 先安排成個行程的頭站同尾站, 再決定中間去邊度都未遲! 仲有租車計算方法, 就由你攞車時間開始計, 那要小心還車時間了~!

*




攞車櫃枱同手續,

去到布吉機場, 在國際線抵達出口的右手邊, 經過國內的抵達出口旁邊就是了.

黃色招牌, 好易搵的~

手續方面, 需要國際車牌, 預約記錄, 現金作訂金, 如用信用咭, 就要準備埋啦~



車輛要求方面, 人人的需要都唔同, 

只係你比幾多錢, 就會有一分價錢一分貨!

我們選擇了慳油, 新車為主就夠!

攞車時記得檢查清楚車輛阿~!!

祝大家有個愉快的旅程!





Sunday, November 16, 2014

濕疹人食譜(七)- 煎蕃薯洋蔥藜麥餅

推推推推介比大家,濕疹人食譜

煎蕃薯洋蔥藜麥餅

材料:
一碗藜麥
2個蕃薯
1個洋蔥
鹽少許

藜麥-處理方法
浸水半小時,放入飯煲中,水浸藜麥多一cm的水量,著飯煲,等飯煲自己煮熟。or 放小煲中,水浸著多1cm份量的水,開火煮5分鐘,熄火加蓋上15分鐘即可,2種方法,任選其一

蕃薯去皮蒸熟, 用叉壓至成蓉備用


洋蔥切粒,煎至熟透加少許鹽

三樣材料混合,準備平底鑊加橄欖油
把混合材料弄至球狀後,輕壓至扁身,放鑊慢煎,
煎至兩邊金黃色便成。




Monday, November 3, 2014

濕疹人食譜(六)濕疹朋友大喜訊,無奶,無牛油,無防腐劑成份既甜蕃薯味馬卡龍誕生啦!

病發前很喜歡整馬卡龍,

自已不算太好這個甜品,

但是周圍的朋友對這個甜品卻很著迷,

正因為這個原因, 我喜歡整,

我喜歡他們欣賞我的心意.

不過, 馬卡龍這個甜品是一個七分靠專注, 三分靠運氣的製作,

成功率可以話七成...即係十次入面有會三次失手,

失敗原因太多, 只要一少少程序出錯, 馬卡龍就很太成形了...

所以我對這甜品的態度也是很恭敬的!!!!



以下是我較早前失敗過, 成功過的文章記錄, 入面有解釋到失敗原因和成功個案食譜.

賴太太新手主婦生活: 第9次的可可榛子味馬卡龍




至於今次的甜蕃薯餡的馬卡龍, 是針對那些朋友對奶類,防腐劑敏感的朋友一大喜訊,

日常街外買到的馬卡龍, 材料會是杏仁粉, 砂糖, 糖霜, 蛋白...餡料方面, 很多時會有奶類, 例如朱古力醬, 棒子醬, 至於果醬方面, 有時都會有防腐劑成份.

雖則份量可能很少, 不過.....少少的加埋就會變多了!!!

由於小妹對奶類同防腐劑的東西都會痕, 

所以要諗一個好味的餡加入馬卡龍中, 等我都有機會可以享受馬卡龍的樂趣.

馬卡龍造法:

材料: 
杏仁粉30G
糖霜40G
砂糖25G
蛋白25G

STEP 1: 先打蛋白打起! 

注意: 
1.器皿一定要乾, 不可有水, 否則打不起! 
2.蛋白室溫問題, 我請教過高人們, 他們都說室溫的較好, 因為...蛋老化一下,令蛋

白黏性減低,提高成功率

3.我覺得打到較杰身, 挺起都是較容易成功.( 不要心急見到少少挺起就收手)







STEP 2, 杏仁粉跟糖霜過篩混入已打好的蛋白中.

注意:

1. 我試過貪快唔過篩, 問題不大, 只是出來效過有些粗糙.
2. 確保糖霜沒有受潮已變成大粒狀, 如見大粒, 就要自已把他們弄碎或取走
3.建議先分2次蛋白加入粉中混合!





STEP 3

混合後約滴下來的質地見到易散開就可以了!

但不要過份攪拌, 免得變太稀.

通常我會呢個時間加色.

而我覺得色膏較好.


STEP 4

放入吱袋, 吱出時留意給予足夠空間.

放室待乾面.....

我會用風筒......較快

留意, 面一定要乾身才可 ,

否則會沒裙邊, 或裂開.



STEP 5

相信不同的爐, 熱力分佈都不一.

要先熟用自已既爐才可.

120度預熱, 

120度入爐, 約5分鐘就會開始見到升起, 焗12分鐘後
120度轉低架...5分鐘後
100度再5分鐘就完成了!!

這個時間我試了很多次, 

才可以確保馬卡龍底部夠熟, 自已可以脫落.


完成後放在一旁待涼.

這個時候就可以做餡料了!!!



蕃薯先去皮切件, 
放入鑊中熟, 約20分鐘. 


用工具把蕃薯變薯蓉


出面坊間就叫大家加牛油或植物油, 放在熱鍋上再煮, 

而我就加入橄槛油, 放在熱鍋上煮至乾身, 

再加入少許砂糖和鹽調味.

(由於本身都有一定既甜味, 加上馬卡龍都很甜, 所以我建議大家保留用味會更好)


(還有, 留意在熱鍋中煮時..會很易痴底和燶.....

要小心睇火阿~)

啱味和乾身, 就可上碟了~~~~

之後待涼後就可以加入馬卡龍做餡料了)


正....!!!




希望這個食講譜可以令對敏感人仕增添多一些生活上的味道啦~!!




用心製作馬卡龍致好友, 中環 開心歡聚 (生活分享記錄)



這個朋友講真一年可能見到一至兩次, 傾電話...可能得一次...但不知可解心繫在一起, 

終於約到好友見面, 為了這樣, 專登夜晚開爐, 整我自創新口味的甜蕃薯馬卡龍.

食譜隨後付上.


大大話話...好耐冇去過中環啦~~~~

專登走出去跟朋友見面吹水, 真係好期待~!!

原本打算和朋友去HIGH TEA..可惜, 我食乜都會敏感的我要搵野食真係有難度.

所以朋友唔介意之下, 只係約出來淨行下同吹水都已經難得, 

多謝朋友的體諒.

朋友間, 不會害怕DEAD AIR, 不會擔心沒有話題, 

只會擔心大家生活和工作上的問題和困難, 

只想大家生活開心.

笑話一則, 

話說買咗新相機既我, 

專登拎出來跟朋友試機玩自拍, 

勁搞笑,原本諗住同朋友係電梯玩自拍,

當相機ready後,朋友就唔見咗,換咗個公仔頭! 

最後,個公仔可能知發生咩事,竟然話同我玩自拍(≧∇≦)。笑屎我了!





原來這個娃娃叫做WA WA DOLL 

很爆趣......

也很識趣.....識同我玩自拍..



原來好耐冇出街既我, 

估唔到這樣的"約會" 會見到這麼新奇有趣既人同事, 

香港人其實真係好可愛.



朋友, 你都要安好阿~!!





Friday, October 10, 2014

LANCOME 活動: 與GRADIOSe 的驚喜周末:汰舊換新

正啦喂~~~
上次介紹的

LANCOME新品GRANDIOSE睫毛液試用分享



有驚喜活動阿~

10月頭Lancôme會做一個送舊迎新的campaign拎一支舊mascara (任何brand),可以去買呢支新既Grandiôse,就有“個人破格"眼部彩妝及護理服務送,更有機會獲得全新Grandiose睫毛膏呢!

詳情如下~~~~



實在太抵啦~

大家無理由唔支持阿?!!


Monday, October 6, 2014

Lancome新品GRANDIOSE睫毛液試用分享

好耐都冇心情打扮下啦~ 

病咗咁耐(濕疹發作約五個月啦)! 我都知道自己好似消失咗咁!

正所謂"休息是為了走更遠的路", 係時候停就要就!

消失咁耐, 我還是有不定期的更新日誌, 

主要都是濕疹食譜,醫療分享,也有旅行減壓分享.


至於今次....是大突破了~

很高興收到she.com 邀請, 

有機會試到尊重LANCOME 最新的睫毛液GRANDOISE,

對於這五個月都沒有化妝的我來說, 

這是一個機會打扮一下, 

希望可以還自己一個自信.

LANCOME 最新的睫毛液GRANDOISE,


給我意外的驚喜, 包裝上的花瓶設計, 有別於以往傳統的黑色如鋼筆款的設計,

半透明的樽蓋可以見到黑色的花, 是LANCOME的標記, 更顯大方.

另外Swan-Neck 鵝頸形睫毛刷柄更是特色之一, 


講真...我覺得拉出來的是時候,毛刷柄跟樽蓋的花更像是一支黑玫瑰收藏在樽內呢~


這個設計是一個好的發明, 因為可以配合面形的不同, 而不會因為直身的柄是弄花妝容, 

不錯不錯!! 我的鼻樑常常是重災區, 受到"污染的~~~!!!笑!



大家見到我的妝前眼嗎? 我的眼形是深了入去, 眼皮又很重,

 化眼妝及使用睫毛液也是有一定的難度.



不過這個刷頭的設計可以令我深入的眼睫毛都可以上到色.效果顯著.
多麼無神的眼精.....


看到嗎? 上了一層已經見到很黑的了


原本很幼細的睫毛特顯粗身, 好像強壯了一樣~~( 頓時有返神彩)

以我自己的習慣, 

我喜歡搽2層的, 因為看上去會更顯精神外, 就是可以把遺留的睫毛確保上色.

但很多時, 大家都會說, 再搽的時候會好像結了一舊舊, 點算阿?

其實很簡單, 

在第一層完全乾透後, 再用梳把睫毛梳開,


把乾了的粒粒梳走, 再搽第二層就可以了~




五個月來的神采返來啦~

多謝LACOME令我自信都返來阿~

用後感, 

1. 我很喜歡這個刷柄的設計,對於化妝的朋友來說, 是一個不錯的工具.

2. 這個睫毛液是防水的, 不過不可用於水上活動.一般的出汗, 落雨是沒有問題的.

3. 小妹算是眼水很多的人, 眼水跟眼油分泌都沒有把睫毛液溶化.

4. 清洗方面, 我會用二合一的油水成份落妝, 都要清洗三次左右才完全乾淨的~

希望這些用後感可以給大家作一個有用的參考~ ^^

Tuesday, September 23, 2014

濕疹人生 之 隔離敏感原(塵蟎)的寢具用品

話說我成日都收到話上門免費幫我清塵蟎既電話,

話可以示範比我知我的敏感源之一既塵蟎有幾多!
( 係上門唔使錢, 但買部機要錢呢!)

如果大家有試過比人上門示範既話, 

應該都知道塵蟎係幾多幾...恐佈!!

不過以我所知, 

如果你有鼻敏感, 濕疹, 流鼻水, 鼻痕, 眼紅, 流眼水, 鼻塞和哮喘等敏感症狀,

除咗自己底子唔好之外, 

就係同塵蟎有關.
(基本上...我中哂)

一直以來, 我覺得我的濕疹主要原因係食物敏感同唔乾淨, 

但係到今日(己結婚搬走後)才發現就算我如何戒口, 如何乾淨, 

濕疹都仲係未可以完全消失.
(當然...天氣對我都係一個影響啦~!)

所以我決定對付塵蟎.
* 不是購買除塵蟎服務啦~~ 幾貴~!

噢...講咗咁耐. 好似未講清潔什麼是塵蟎?!

塵蟎只有100-400微米, 寄居在枕頭和寢具內, 
喜歡生長25度相對濕度75%的環境, 即係你枕頭, 同床單.
以吸食人體血液和皮屑為生!!!<-- 濕疹既朋友, 你係佢地食糧!
根據報告所講, 一張兩年的床褥, 內裡滋生了超過兩百萬既塵蟎,
咪話嚇你~~~ 一個使用了六年的枕頭, 它的四分一重量都是塵蟎,包括佢地既屍體和排泄物(OH..想嘔~!)
其實塵蟎本身不是致敏源...是牠們的水溶性排泄物才是問題!!

就在尋找相關資料時, 


是一個叫做Aegis 愛家仕的品牌講解防蟎寢具原理, 

大家可以參考一下, 

同時大家可登入https://www.facebook.com/AegisABB 了解更多正確選擇防蟎寢具.

原來55度的熱水洗滌是專家公認最有效的除塵蟎敏感源的方法.
所以寢具必須具備可55度熱水洗滌功能.

除了防蟎, 或要透氣排汗.透氣孔必須小於10微米,

也不含對人體有害的物質, (可買有安全認証)

http://aegisabb.com/?post_type=product

睇咗咁多相關資料, 

最後決定訂了2個枕頭套試試質地, 
(我對品質沒有懷疑, 只是想知道質地如何)

價錢現在做特價, 價錢合理( 擁有這樣功效!)


他們的枕頭套全都有尺碼分的, 

所以可以度度自己屋企的枕頭再去訂購.


見到有防蟎保証, 即刻放心哂.

這枕頭套選用了美國專利技術#6277770精密織布,至透氣孔徑平均小於6微米, 
能有效阻隔塵蟎及其他敏感源.

物理性能防蟎, 無加添加化學劑, 

織布由超細纖絲編織而成, 具高度透氣性能, 不會有漲起感覺.
轉身反瞓也不會有噪音.

最勁是可用於60度高溫洗滌, 殺死塵蟎, 洗走敏感原.


保養方面, 都不是很難的, 

為了自己的健康, 一試無防.











Meet The Author

濕疹令我變得美麗,變得健康,變得堅強! 奇怪嗎? 病發至今,就憑這餐單陪我度過最黑暗時期,同時也令我簡單地減了12磅。。。 我相信,距離康復不遠了。