幸運我是化妝師, 可以自編自導自演自己的pre wedding photo ( 花絮)

七月份知道男朋友仔安排了九月份會有十一日的旅行,

已經相當興奮. 點知男朋友仲安排了影pre wedding 的計劃, 

個心真係跳咗出來~~ 因為....他還未求婚, 便跳了級, 實行先影相再求婚計劃!

( 其實都多餘, 同得男友影當然係肯嫁先影架啦~)

當時男友安排了當地( 泰國)的攝影師進行拍攝, 

但係經過麻煩女友( 即係我) 睇咗泰國攝影師portfolio 後, 

唔啱我既style, 所以改變計劃, 我決定自己係香港搵, 

實行請個攝影師跟埋我去, 影足三日~~~~

好不容易, 我搵到啦~~ 

我相信佢可以影到我要既style呢~ ( 下次同大家介紹下佢).

既然搵到好既攝影師, 

那當然我要做好我的造型啦!

幸運地我是個化妝師, 

好清楚自己心目中想要既係咩妝容同造型, 

所以我便實行做埋自己pre wedding 的化妝同set 頭角色.

*

話哂都係一生人一次去海外影婚紗相, 

造型上都希望係自己心目中個隻, 

於是便自己同自己"試妝"啦~

其實妝容都係清清地為主, 

係個髮型先至係煩惱.

以前對皇冠好抗拒, 

但係竟然比我見到呢個, 

我即時決定租咗佢, 拎埋去..

但係..我個造型應該點樣配襯呢?

咁樣吧~~~ (請莫視我既唔襯t-shirt)
側梳頭髮, 然後放上去啦~~
簡單又高貴~

另一個造型呢???

呢個順眼好多喎~~ ( 自己都頂唔順那件去街衫!)
但呢個頭係好唔錯,
但係自己set..都好花時間~~~
如果要做到呢個效果,
一定要頭髮夠多同夠長,
而我.......兩樣都唔係,
所以加咗假髮片....九塊!!!!
睇唔出..同估唔到呢~~ (笑)


呢款其實都唔錯!! (又請莫視我既去街衫)
頭髮梳起, 個樣精神好多呢~~~
不過...總係覺得好似成熟咗喎~!!!


咁呢款好又似簡單咗少少..
不過好在夠清,
係西式外國人結緍常用的髮型!


呢款其實我都幾鐘意阿,
不過有朋友話: 過多三年睇返呢個頭飾, 可能會覺得老土咗喎~~~~!!!
(行雷!!!)
只從朋友一講完....呢個頭飾唔會再出現係我個頭度啦~
短短三個鐘,
自己同自己set 咗好多個唔同款的頭,
個個既感覺都不一,
到底我到影相個日, 我個髮型係點樣呢~
( 下回分解)

我的基地~

http://iammisskwok.blogspot.com

二號基地:

http://blog.hk.88db.com/?author=58

三號基地:

http://blog.yahoo.com/dion.kwok

面書總部:

http://facebook.com/dion.kwok

聯絡總部:

iammisskwok@gmail.com

戰績展示區:

http://d-squarebeauty.photogala.com/

世上沒有純分享的blog? (個人意見分享, 不喜勿插!)

回頭看看, 見到自己既香港blog只少有七八年了~

在不同的地方都可能會見過我的腳印, 

或者當時我不是叫做技安小姐,

叫做xxx, 乜乜...吧~~

太多了, 化名都記不起了~

不過近期blog 文的產量明顯地少了很多很多, 

原因?

1. 人長大了...要花的心神用多了在不同既地方上, 

能花的精力也少了,  時間也變得不夠用~~

2. 重複這一個記錄模式令我變得乏味, 同樣的記事方式, 表達方法....看得多都會悶吧~

3. 找不到新的突破空間, 歸咎於自己的創作意念不夠廣闊呢~~

4. 長江後浪推前浪, 新一代的文章更有趣, 自己都五體投地.

除此之外, 就是覺得自己清高了很多......( 嘔!)

不需要試用, 不需要pr 的賞識, 什麼都不需要, 

所以, 要交功課的文章, 我都不願多接...

現在只想記下自己覺得有趣的東西吧~

還記得有個朋友跟我說, 

不相信真心分享的blog 文, 

覺得所有文章都是有機心, 

都是貪心的源頭.

當中一定有利益或金錢上的的因素存在,

無可否認, 一定是有. 

我也因為這個原因, 曾經轉了牛角呢~

正因為這牛角的出現, 

令我好好的反思!!!

回想十年前, 

我活躍於台灣那边的生活平台,

寫的只是深情分享, 

沒有想過得到什麼回報....

慢慢地, yahoo blog 的出現, 

我也是用來記錄生活的點滴!!!!

不過開始發現有利可圖時, 

blog 文分享已經變質了~~

我已經沒有再分享自己的傻事, 

只有分享似是一門"生意"的文章吧~

我不是一個可靠的生意人, 

我不會準時的交"功課", 

也不會為了討好而'寫作"!

但是你可以說: 阿技, 你好像沒有出過很多踩文喎~~~

我只可以回應的是, 人家產品不好用, 不是人家的問題, 而是自己技不如人, 

人家產品的推出, 一定經過好多測試或經驗, 也一定會有支持產品的粉絲.

自己用得不好, 是自己掌握的問題, 

與產品無關! 而你用產品時出現問題, 

也是個人膚質問題呢~

所以我寧願出如何好好使用產品, 多過用後分享吧!

*

噢~~ 又離題了~

頭先我還在反思當年寫文章的原意, 

我記起了, 

當年的我跟今日的我, 重拾起筆記下自己的所思所想, 

目的只有一個,

「我希望有人知道我的存在, 告訢我知人生應該是怎樣?」

我相信沒有人可以肯定自己所講所做的一定是對, 

所以我唔會介意把自己的日常的傻事, 蠢行為, 壞思想記下分享, 

讓大家知道上有我這樣想法行為的一個蠢人, 

然後給我鼓勵, 意見, 好讓我更"正常"的成長...

好了~~ 找到目標,

可以重拾再開始了~

唔該...請幫手研發能讀寫思想的APP阿~~~

有時真想發明一種科技, 

可以讀到我心入面諗既野, 

再即時寫返出來係BLOG 文度既APP.

唔知大家有冇試過, 好多時靈感一觸即發, 

想即時記得, 搵得紙筆時, 又開唔切電腦....

到開完電腦時又要執相....執完哂出得時...又唔記得哂~~~~~ ( 滴汗)

靈感既野...真係瞬間即逝!!! (又以為自己係藝術家!!)

如果真係有呢個APP, 

我真係希望可以做到即時讀寫,

文法表達跟自己所諗的完全一樣, 

自己識得配上BACKGROUND MUSIC,

仲有配上自己心目中想要的圖片加埋水印......

自動upload上各大forum 或者自己的主blog 位, 咁就真係Prefect 啦~~ 

(突然覺得自己隻手咪變咗冇用囉?)

如果真係有的話, 

想記低自己的逸事, 分享, 都變得簡單囉~~~~~ 

三小時既出文變成半小時的"工作" ,  咁咪唔會出現拖文囉~~!!!!

快....靚....正.....

哈~~

踏上地中海的危機

PRE WEDDING 既相收齊啦~

很想很想跟大家分享我緊張的心情.

不過竟然比我係呢D 咁美滿的相中見到自己的危機…

地中海即將出現係我頭到!!!!

雖然不是一個大陸州,

但係都面臨地面面積擴大化的既情況….

教我如何是好!

早前見到朋友介紹史雲遜護髮中心,

於是我都要去睇睇有咩方法可以令我個陸州唔好出現得咁快.

首先一去到,

見到好多証書同陳豪做代言人..

先要填寫好多個人資料,

我明白….頭髮脫落同日常生活好有關係….所以想真係得到改善,

真係要誠實咁作答.~~~

之後便會有顧問同你檢查頭髮同頭皮健康問題.

利用儀器…所有問題乜都睇哂!!

圖中所見, 見到自己個頭皮好多問題..

頭髮薄咗…..頭油都頗多下…但我日日都有洗頭的習慣.

見到好多髮孔都有塞咗既現象, 要清除呢個問題,

要做呢個療程,

先會同你做兩分鐘按摩, 令到你全身放鬆, 再去到一個好似SALON 既洗髮區,

做法先用草木虊水同頭髮清洗十分鐘..

之後會見到清潔完後的盆有多餘的頭皮.. (嘔)

再用洗水沖洗乾淨..

然後再用葯水搽在頭皮,

完成後再同個頭做一個STEAM 焗.

成個過程,只係四十五分鐘完成哂~~~

咁做完後有咩唔同咗?

明顯地見到頭皮係變返拎….相比未做前係啞色的..

頭髮有返彈性, 可以企返直.( 因為少咗頭油的重量),

千年頭屑清除咗一半…

BEFORE

AFTER

效果算係唔錯.

不過頭髮重生生長呢樣野..唔係一朝一夕可以搞返好.

要配合日常生活的起居飲食, 早睡早起……零酒零煙..等等.

仲有係洗頭水方面, 要交替咁使用, 咁樣先可以令頭髮更加健康.

註. 完成後…..完全沒有SELL 我JOIN COURSE, 只係話..有唔明同埋問題, 歡迎致電查詢.

我既廣告終於出街啦~ 送上真身材同肥技合照乙張!! 大家記得支持阿!

終於都出街啦~

講緊係呢個廣告, 

話說阿技早前收到邀請, 

做這個廣告的化妝師, 

為廣告入面的女主角CELINE 化唔同的造型.

其實廣告內容係講述一個身材欠缺自信經過飲用雙效PowerUp 10000mg 膠原彈滑飲後,

胸部得到提升而自信起來.

由第一個look 係欠缺自信的妝容表達, 到第二個妝容穿越時空到第三個妝容充滿自信, 

每一個的表達方式都唔同.

由簡單的顏色已經表達出欠缺精神, 

加上髮形表達鄰家女孩的感覺.

第二個穿越時空的妝容, 

明顯地用的顏色深了, 

女人味都隨著髮型的變化加多了~

至於充滿自信的妝容, 

這個紅唇已經令所有效果提高更多~

由於呢個廣告係用高清拍攝, 

所以所有妝容都要用高清.

而阿技的心目中, 

高清其中一項是...妝容要簡潔. 乾淨. 夠薄.

很高興阿技成功了~ 

廣告出來很好呢!!!!

*

其實大家未必知道, 

一個廣告拍攝, 

絶對唔簡單, 

係一個Team Work 的工作, 

背後負出努力的人很多, 

人人佔了不同的岡位呢~

雖然大家各有各忙, 

但是也會互相幫忙呢~

快手快腳的化妝速度, 

一分一秒都唔可以浪費.

演員不斷重覆動作, 預好企位.

當演員在聽導演指導時, 要自動自覺的補妝, 

不停的來來回回, 

經過很多很多配合, 

30秒的廣告才可以出街播呢~

阿技對今次的job 好滿意, 

多謝Celine 同Nubrest 的信任.

多謝各單位~

最後送上真身材同肥技的合照.

大家如要幫手, 包括任何化妝服務,  廣告合作, 傳媒合作, 

歡迎到....

我的基地~

http://iammisskwok.blogspot.com

二號基地:

http://blog.hk.88db.com/?author=58

三號基地:

http://blog.yahoo.com/dion.kwok

面書總部:

http://facebook.com/dion.kwok

聯絡總部:

iammisskwok@gmail.com

戰績展示區:

http://d-squarebeauty.photogala.com/