Saturday, June 30, 2012

千萬的BLOG中, 我只看"她"一個!

從少.....很少睇別人的BLOG,只會自己寫阿..寫...(活在自己的世界中,也是很自我的表演).

點解唔睇? 1. 大家分享的東西跟自己的不多.2 大家的內容都大致一樣.

正因為咁.....睇其他人的話(千篇一律), 那不如做其他事情吧~!
很老實, 很多以前會追的BLOG, 因為很多外來的引誘出現, 那些BLOG 都變質了...

但...近來...我竟然開始會追"這個人"的BLOG 文.

原因可能跟係.....純分享...沒有機心...反而簡單....少去出位....跟特別吧~

她...也是純講自己的生活點滴, 沒有任何推介東西的成份,也沒有扮博士, 專家的感覺, 很舒服.

她的相片也是一張起, 兩張止, 不多不俗...當然也是有質素的相片啦!

作為也會寫BLOG 做分享的我, 竟然在這個女仔的BLOG中找到我自己原本的BLOG 也應該是這樣!!!( 肯定不會像現在的日誌)

一齊都應該還原. 

不應該再為別人而出文, 而發表任何"意見",

真心的分享自己所想所感, 這應該才是我.




Thursday, June 28, 2012

為何我總看自己不順眼?!!

人地話, 只要看得一樣東西耐,


便會由"銀"眼變成順眼,


什至乎變得覺得好睇~~


(唔知大家有冇這一個經驗!)


我認同呢個講法,


但係唔明點解Apply 唔到係我自己身上.


有時照鏡,


總會覺得自己隻眼太細,


大細不一,


眼皮過厚,


鼻太大...


唇太乾,


牙又黃,


眉又粗...


肉又鬆........


總知....怪相一名!


(舊相一張)

仲有..仲有...面又大呢...

點解我成日日照夜照都係睇自己唔順眼(超)??!!

咁都唔係辨法,

有一日..

我問男友關於我想整容整隻眼的野...(先攞approve)

點知....男友的反應..超乎我想像.

就係..."如果你整容的話, 你就有眼冇我!!!"

(使唔使咁大反應阿.....!!!)

因為這一個反應..

我走去跟朋友分享,

到底整容對男士來講係咪真係咁難接受,

如果我悄悄的整咗,

我估他會發覺麼?
(發覺唔到, 即係整容失敗...)

經過"人生教練" 提醒...
(比我年長又有過經歷同教到我野而又啱咀形的人),

面係你自己, 你會覺得唔關男友事, 自己點整都可以.

但是這是一個'尊重"的問題!

他不是你的普通朋友, 他是打算和你有將來的人,

你"知會"他是有必要, 也是一個尊重.

他反對, 不是因為討厭你整東整西,

而是擔心你會受到不必要的入傷害,

影響你健康吧了.

對....男友不停說整容的風險,

他是怕我受傷,

而不是變靚了而變質.

對...現在我這樣醜, 他都接受,

那我還怕什麼?

算吧.....整容這個話題,

暫時可以擱置了.

**
**
**
**
如果....

如果..

如果..


我真係隻眼變大D,

塊面瘦返D.

唔知個樣會唔會好DD呢..

哎呀...

諗下啫...


有冇覺得好咗??

完~









Wednesday, June 27, 2012

工作狂也要學習享受是一種藝術

近日心血來潮,

從多方面得到啓發,

覺得自己個BLOG 不知不覺間已經變咗質.


變成點???????????


答: 唔好睇囉~~ ( 你地唔講..我自己都覺!)


所以我決定...重新出發!!


再一次重寫我的生活旅遊記錄.


*

今次去東莞的SOFITEL 峰景酒店度HEA 足3日..


完全係理想中的瞓飽就食...食完又"坦"..."坦"完又去玩..玩完又食..再瞓.



曾經有朋友話成會去東莞打GOLF...

我諗唔明...边度可以打呢?

原來係真..

SOFITEL HOTEL 係東莞有2間連埋的,

一間主題係GOLF,

另一間係水上活動.

而我今次住既係GOLF.

其實去過咁多次東莞,

次次都係去到深圳坐巴士去到東莞東站,

再轉的士入去..

通常用咗3個鐘度啦..

過關前一個鐘..

過關後2個鐘.

不過今次醒啦..

改坐直通巴士.

由旺角上車,

途經九龍塘同沙田..

一個鐘去到落馬洲過關..

再一個鐘去到東莞酒店再坐接駁既私家車.

2小時便到.

直通車HKD$200來回.(我覺得抵坐)

講返GOLF 個度間酒店..

係有少少舊.

但勝在夠田園FEEL.

好多樹草木..,

又真係好舒服下.

至於房間.


係半開放式.

即係個廳可以望住浴缸,

沖涼時也可以睇電視個種!



而大床又真係好大.

可以打撗瞓都唔會跌出去阿~

唔講唔知,

佢地床上用品係可以ORDER 的呢~

假若你覺得個枕頭 好硬,

可以安排個用蕎麥造的枕頭呢~

各種各樣的都有呢~

(正因為咁..我搞到成床都係枕頭)

其實酒店對我來講,

房間要乾淨之外,

就係要有浴缸.

因為平日屋企個浴缸都好DIRTY 下...

根本冇咩心機去清潔,

所以去酒店先會想浸尼~



浸浴三寶係我次次去旅行都一定會拎.

唔係低衫褲....

唔係毛巾拖鞋..

係用自製SPA的FEEL 的東西.

1. LUSH 的浸浴蛋, 高泡泡量.

2. Dr:Ci:Labo的Aqua Collagen Gel.
用來敷面

3. Loccitane 的Body Lotion 浸完搽全身,
香噴噴.

其實我好鐘意一路浸,

一路出汗同時,

一路敷MASK.

尤其夏天,

當你玩咗一日好累咁返到酒店,

又未夠鐘瞓覺,

可以開缸28度的水溫,

不要太熱.

跟著加入泡泡浴彈,

如果冇呢樣野的話,

可以加入沖涼皂液同浴鹽,

令浴缸有大量泡泡.

之後, 洗乾淨身同面,

浸入缸中.

由於體溫上升,

會出汗呢~~

呢個時候,

我會搽AQUA GEL 係面度,

厚厚一層(雖然平時係薄搽),

但當MASK 用的話,

可以厚敷.

加上一日咁曬完太陽,

皮膚都好脫水下啦~

用水凝膠原蘆薈啫喱可以對抗曬咗全日受傷的皮膚,

加上入面有80% 的蘆薈精華成份,

可以做到治療同消炎的成用.

除此之外,

我鐘意佢的乾爽,

搽係面度後,

經過吸引,

塊面會好爽,

同唔焗身, 唔會再焗出油.



加上宜家出咗加強版,


配合咗3種膠原蛋白, 同3種玻尿酸, 完全可以增加保濕力,


啱哂夏天使用~


浸大約七八分鐘後,


可以上水,


飲杯清水後休息一會可以再浸.


(記得飲水係好重要的一環阿)


我大約會浸2次度會便上水,


係個身未乾透前,


搽上Loccitane 個隻馬鞭草LOTION,


點解咁多隻唔搽...搽呢隻,


因為陣味的關係,


少少檸檬味,


加上香草味,


個種FEEL 令人FRESH...


好似脫胎換骨咁.


仲覺得自己靚咗呢~~~



Sofitel Golf 既酒店有好舊式的大風扇,


如果覺得開冷氣好似欠缺大自然氣息,


那可以選擇開呢個大風扇,


一边吹住,


一路望著個風扇轉下..轉下..


在"坦"係張大床上...


咪話唔爽~~




今日講住呢度..


下次同大家講下.......泳衣.............同泳池!













Tuesday, June 26, 2012

近來我口中成日提住的....死八婆

你地可以話我係小器, 記仇...,

但唔可唔比我每次提起都要講一次.....嗰個死八婆!!!!!!!!!!!!!

*


近日常常出現在我口中的.....死八婆!!!

講真, 要我如何寬宏大量, 我都冇辨法原諒這個死八婆.

話說, 那一天在香港站坐港鐵打算到東涌SHOPPING,

臨上車之際, 後面有個阿婆係咁推..係咁推....最後...佢都係坐咗係我隔離.

坐底後....一陣咖哩魚蛋味係咁飄過來!!

原來係推我既阿婆個袋流出來..

見佢係咁抺..係咁抺..之際..我個心有一陣同情!!

但係原來要同情個個係我..

佢個袋流汁野HIGH 到我個袋阿.........( 大驚)

3千幾蚊阿.......!!!!! 呢一刻....我個心..即刻DOWN 咗..因為以我所知...

咖喱汁既色一"食"咗入去個袋度...點抺都係冇用!!!!!!!

即時的搶救都冇用啦.......

係架地鐵度..我已經忍唔住....開口話左個阿婆.... 我有叫佢賠...但冇理我!

呢一刻..我除咗喊同POST 係FACEBOOK 之外...我乜做唔到.



3千幾蚊..可能你會諗到好少....唔D咩..

可惜我個BAG..係我自己送比自己既生日禮物..


就係呢一個款..

我個個仲要係限量版呢~~~

講真..到今日我真係仲一肚氣..

除咗可以係面書度發洩之外,

我真係唔知可以點.


...


..

..

事隔咁耐..

我個袋都係仲係一撻野.

用過好多方法去清潔過...

1. 我即時去十蚊店買去漬皂....可惜完全冇效.

2. 用洗手皂大力擦...甩咗少少咁多.

3. 拎過去乾衣店的搵人洗...可惜..乾衣店有3間都唔肯接我呢個袋呢.

4. 到百佳買強力去漬筆, 可惜只可以洗去衣物上的漬...我個袋..係唔可以的..


5. 我再用白醋... 同撻漬敷咗個MASK...真係WORK 咗少少...淡咗好多..

但至於還原..

係冇可能既事.



而我係要去面對同接受呢~

唉~~~~


呢個故事得到咗幾個教訓.

1. 唔好再用貴袋出街.

2. 爭位還爭位, 可唔可以顧下人地呢?

死八婆, 算你好彩.... 唔係人人都好似我咁好心地..唔報警, 唔使你賠.
見你係阿婆咋..但希望你真係下次小心D啦!

3. 係男位面前唔好再咁坦白講比佢知...個袋係咁貴!! 足足比人訓示咗一日呢~


大家....如果你係我...會點呢?














Wednesday, June 13, 2012

口感豐富而唔怕肥的健康早餐!

不知不覺間,已經食完2盒麥片!(3個星期內)

感覺覺得健康咗!

同埋飽肚感可以持續到中午,

小食同口垃圾都可以食少咗!

對於要減肥既朋友係一件喜事。

加上絕對唔肥,可以大啖咁食呢!

我有冇瘦到??

對於冇時間做運動而冇變大舊的我來講,算做唔錯啦!


Saturday, June 9, 2012

送送送..送出限量版既Bioderma Sensibio H2O「魔法少女」別注限量套裝,

女人總是對「限量版」這三個字情有獨鐘.


講真這個心態我都有.


正是因為限量. 珍貴.稀有.而想擁有!


不論是手袋, 化妝品,電子科技...等等,


我都有種想佔有的感覺<--真慘!!!



近期出咗一個限量版.....


Sensibio H2O「魔法少女」別注限量套裝



呢一SET 由醫學美容品牌BIODERMA都會推出Limited Edition .


又係限量......(點會唔心動)


獨立藝術家Roro以「魔法少女」為題所創作.


展現出Magic卸妝,一抹清爽」夢幻的感覺.


講真, 呢個設計真係好有少女味道.


粉紅色, 可愛, 純真的原素全部都有.


加上BIODERMA 卸妝水一向都係好用大家都知.


所以今次呢個Limited Edition 一定唔會令大家失望.


講開呢set 限量版,


跟平日set 裝的內容係有少少唔同.



有500ml 加100ml 既卸妝水,

一支可以放屋企用,

細既可以拎出街或做job時用.


仲有呢個勁讚的包裝綿.

超衛生外, 又方便.




限量版的包裝設計好難唔令人心動





仲有一支Sensibio 既mask 送埋呢~

唔好睇少15ml.

可以用到3-4次呢~ (厚敷)

仲有仲有..

 凡購買「魔法少女」深層卸妝潔膚水別注版套裝一盒及任何一件BIODERMA產品,

即可以$1換購「魔法少女」環保購物袋乙個


雖然係細估少少,


但做飯袋或BYOB 係一流既選擇!


其實一個品牌成唔成功都要睇下個MARKETING 做成點.

就好似推出呢個Limited Edition 之外,

facebook 同時都推出相關活動送大禮,

大家只要去LIKE

'Bioderma Hong Kong” Facebook Fan Page (http://www.facebook.com/Bioderma.HongKong )

click< Magic 卸妝 一抺清爽> facebook app

進入一個奇幻有趣的魔法世界,

影片以互動型式進行,玩家可隨著自己的喜好選擇結局,

觀看完影片後, 另設有有趣的問答遊戲, 有機會贏取豐富的獎品!



除此之外,仲可以免費下載BIODERMA Sensibio H2O 萬寧HKD20 coupon ,

咁著數呢~

不過最著數都未算係呢度..

想免費得到呢SET 限量版,

只要去(http://www.facebook.com/bioderma.hongkong)  支持同睇下

ILUB (少爺占+Donald) 化身魔法占及魔法奴再加埋「魔法少女」吳千語一齊為BIODERMAfacebook game既片,

答啱以下問題,

問:吳千語用了BIODERMA卸妝水後的其中一個感覺是什麼?

再張答案SEND EMAIL 去bioderma@neoderm.com.hk, 主旨請注明 (BIODERMA X Blogger Magic 卸妝 一抺清爽 Fans 活動)


Name 姓名 (與身份証名字相同):
Email 電郵:
Tel 電話:
From 技安小姐
Answer 答案:

就有機會得到啦~


好啦..快D去睇片啦~









Meet The Author

濕疹令我變得美麗,變得健康,變得堅強! 奇怪嗎? 病發至今,就憑這餐單陪我度過最黑暗時期,同時也令我簡單地減了12磅。。。 我相信,距離康復不遠了。