Friday, July 25, 2014

濕疹人食譜(四) 之 濕疹人可進食的Rice Burger

實在有太多的吃不得....

近期想食Rice Burger , 但見到製作當中好多都調味料都是吃不得....

如何是好?

先講材料:

飯...當然無問題啦~~!!
漢堡.....加工過.....吃不得!
醬汁方面...唔使諗...全部唔得...因為加工過...

咁..點好呢? 
轉一轉D 材料吧~!!!


材料:(一人份量)

飯一碗
雞扒一塊
紅蘋果一個
青蘋果一個
生菜兩塊
鹽少許
生粉少許
黑醋少許
水一碗

做法:

1. 雞扒解凍後加鹽調味, 

預熱焗爐至180度, 
2.蘋果洗淨後切片,放在鹽水中防變色.
3.雞扒放在焗爐中30分鐘至熟透.
4.蘋果放在鑊中煮至林身, 加入生粉水煮汁至杰身.

5加入黑醋, 鹽調至酸甜味, 熄火.倒起, 備用.
6. 用保鮮紙包飯團, 壓至圓扁形.

7.鑊加熱加油少許, 把(6)的飯團加入鑊中煎至少許飯焦.備用.


8.生菜切絲加在飯餅面上,
9把雞扒從爐中取出放在生菜絲上, 再把蘋果醬加上,
10.把另一飯焦加上面上.
11.用保鮮紙包著加壓, 成形.完成.





 對於我這個吃不得的人, 這個材料和味道非常好, 

對於日日食同一樣既朋友來說, 

這小小的變化可以令苦悶的雞扒飯變得有趣, 

希望各位濕疹朋友鐘意這菜色.

放心, 所有用料我查果...都是不會引致敏感的~!












濕疹人生 之 椰子油的幫助

曾經聽好多人講話搽椰子油可以改善濕疹, 抗養化, .加上刺激甲狀腺功能,擁有完美的抗菌特性。(於網上SEARCH 椰子油功效, 可以搵到很多資料.)

但一直都未有機會用到....

不過於今年有機會到泰國, 得到朋友提醒手信之一....椰子油, 就喚醒我對這油的興趣.



椰子油真的對我濕疹人有效嗎? 第一次試, 當然唔好買咁大支啦~~~~~ ( 精明)

大家可於泰國的超市, BOOTS 專門店, 屈臣氏搵到椰子油的產品, 

當中記得買用冷壓製的才有功效.



第一次接觸時, 感覺有點似吳岡師傅搽油一樣, 全身拎立立....

味道方面...很香椰子味...但放入口又冇味.....得油的感覺.

原本以前要很多時間才會被吸收. 

但原來不出10分鐘....已經吸乾了~!!!

唔信....

有圖有真相!

以下的圖是本人的腳....(由於是濕疹關係...所以如想睇美腿的話, 請自行離開!)


一開始, 用五毛銀幣的份量, 搽在左腳上.

濕疹皮膚的人.....是很乾.....皮膚沒有光澤.....( 汗)

經過三分鐘人手按摩( 自己按),


見到嗎? 油份已經吸收了~!


五分鐘後, 只見到腳上有層薄薄的油保護皮膚一樣, 

模上去是乾爽的..不油...也不會弄髒衣服.

大家或者會問, KEEP 到幾耐呢?

我答: 至少三小時不會再乾到痕....(誠實)

那什麼牌子的椰子油推介??

我答: 沒有.....什麼品牌推介, 因為我都係試驗那隻油較好用吧~ 我家還有三支不同牌子的未開呢.....所以暫時未能告訢大家那隻好...

只可以分享說...記得買冷壓製和Orangic 的吧!

價錢方面....

我記得圖中的那得50ml 的細樽試驗裝, 約110蚊泰幣, 即約25蚊港元.
(大支裝平好多)

而我全身搽用的, 50ml 約用到8次左右啦~

放心..我問過醫生, 他說如果搽上身, 覺得舒服, 唔痕, 唔紅的話, 可以安心使用!!!

大家不仿可以試試!

* 除咗搽之外, 還可以內服的....下次再講~!





Thursday, July 24, 2014

濕疹人食譜(三) 之 節瓜雞肉湯,唔dry又健康(≧∇≦)

講真, 日日要諗食什麼食物, 不會令自己敏感, 又易煮, 又方便, 其實都是一個煩惱.

當然, 身體唔好, 選擇少是正常的啦~

但變化方面, 是自己可以控制的~!!

今日就因為雪櫃剛好有節瓜和雞扒, 

就煮個一定唔會難食同健康的濕疹餐啦~!

* 濕疹朋友於熱天氣在廚房其實都好辛苦架, 所以這個湯水...快, 靚, 正....

材料: (一人份量) 
節瓜X2 個
雞扒X 1/4 件.
水X2碗

1. 節瓜去皮切件備用
2. 雞扒免調味
3 先把水煮沸, 加入雞件, 煮至半熟. 中火( 五分鐘左右)
4.加入節瓜, 蓋上, 煮至半透明.(10分鐘)
5.加鹽完成.

雞同節瓜都是濕疹人可以食用的食物, 可以多吃呢~!




濕疹人食譜(二)之 自製薯片


病情看似漸進階段,有誰明白戒食一個月來的痛苦,皮膚極度痕癢,時常發燒,一下子像老了廿年……


雖然外貌上的轉變我無法可以阻止,加上心理和生理上的壓力日益增加,面臨崩潰的邊緣,但幸運每次都得到救助。。

幸運不是必然,未必次次都這樣好彩,自己真的要學會變通,雖然要無奈地放下一些緊要的東西,但能換來是寶貴的健康,什麼都值得了。



戒食之一: 味精加工薯片
解決方法: 自己焗吧!

薯仔X2個

做法:

1.洗淨後切片, 越薄越好.
2.預熱焗爐至180度,
3. 把薯片放上鍚紙上, 並搽上橄欖油
4可加點香草,一併焗,
5. 先試爐至25分鐘, 
再加鐘15分鐘, 至金黃就可以了~
(小心焗燶)

食前可加入少許鹽呢~~~


*.....唉~~~ 我老公話幫試味....最後食哂我的....薯片~!!


濕疹人食譜(一) 之 美食病人餐

如我不停的標籤自己是病人,

放入口的都是病人餐,

我相信就算是天下美食,

頓時變成無味食品!!

那對這些美食很不公平阿~~~~~~

今天跟大家介紹我每天都會食的餐單...

沙拉餐!

是阿...每天.........都會食的...

會悶嗎?

答: 暫時未~~~ 很享受!! (真誠)

沙拉的最好配搭:

橄欖油,
黑醋,
生菜,
青瓜,
蘋果,
西瓜,
提子,
火箭菜,
薯仔,
番薯,
雞肉( 鹽調味),
豬肉( 鹽調味),
魚( 鹽調味).
(其實可以自由配搭)

*但緊記: NO 加工料, 例如: 過多調味料, 防腐劑.

圖中就是一人份量的橄欖油醋沙拉,

唐生菜 X 1棵
青瓜 X 半條
蘋果 X 一個
西瓜粒 X 10粒 ( 自己切)
雞脾肉 X 1隻
番薯X 1 個

做法:
1.唐山菜洗淨切條狀.
2.青瓜洗淨後切粒 .
3.蘋果洗淨後去皮切粒浸鹽水. (10分鐘)
4. 西瓜雪凍切粒.
5. 可於超市買淨雞脾( 未調味), 解凍後, 用鑊蒸30分鐘至熟透, 起肉後,多出來的真正雞汁備用.
6. 番薯用飯煲焗至熟透, 切粒備用.

把所有材料混合後, 加入5 的雞脾肉和少量雞汁混合.

最後加入橄欖油和黑醋就完成.

此為一人份量!! 放心...會好飽的~~~~







濕疹人生 之 戒口清單 (三)

(我的病人餐)

相信大家睇完早前的戒食清單後一定會問:「還有什麼可以食?」

這個問題我當然問過醫生....

他說: 雞. 豬. 菜. 瓜. 飯.

魚.....都是少食為妙!!

我相信大家還會問:

日本野呢? 豆腐呢?素菜呢?麵包呢? 麵呢??

魚生和日本食本很多加工料, 不可進食.

豆腐.....豆類是大禁品!!(中葯中很多都是豆科...所以大家都要小心!)

素菜?? 如果是很多調味料的...都不可以...

瓜之中, 如內有大量種子的都不可...例如: 木瓜, 南瓜.

麵包中有酵母....很易敏感!

麵? 麵粉也是敏感東西阿~~~~


不過我覺得每個人對食物敏感都不同, 

大家如想知道自己的敏感源, 可以到診所做化驗, 價錢..(六年前就$3000)

雖然很多敏感源都是避免不到的, 但是為了自己身體舒服點, 避得就避吧~!



濕疹人生 之 戒口清單 (二)

話說戒類固醇和戒口都有7日了,翻發情況比預期中少,但脫皮情況相當誇張……


醫生說:“多挨2至3星期吧,你就會變好,跟我指示去做,你可以變得很靚…”



醫生阿,阿醫生,你真係可以醫好我之外,我仲可以變靚,未免太神奇啦! 


說完,醫生再在我戒口單中多加數樣食物, 蕃茄,粟米和壽司…及所有醬料。


皮膚差,濕疹和牛皮癬既朋友, 想好的話,請戒口!


濕疹人生 之 戒口清單 (一)

阿技個人資料:
由細到大都患有濕疹, 主要都是病發於手腳位置.
面積雖然不大, 但是間歇的痕, 出水, 是可以接受到的辛苦.
一向都有服敏感葯, 類固醇少許.
當然服過葯必然會好轉.
如是就過了這麼多年.

結婚後, 想要生小朋友, 但必先要調理好身體, 所以便找中醫了~

相信, 調理好身體, 才會令濕疹改善...

中醫說: 可以斷尾,不過時間就要長點,還有近一百元一劑…我一共服了20日共20劑,時好時壞。。。



好是皮膚真的在脫皮後回復光滑但皮膚色較深
壞是過程如火燒,刺痛,脫皮誇張。。。晚晚痕醒。。。 

最後因為要去旅行而停了葯。。約12天。

停葯時,都是全身很紅很痛,很辛苦。

回來後再覓其他中醫,那位是元朗較出名的,可惜他的藥受不了。還是很火燒感…

於是再換醫生,到黃大仙中醫的針灸看看吧!那位女中醫除了針灸和開葯外,也說因為她覺得皮膚科較合我,所以轉介了黃大仙的中醫專科。。。

在未去看中醫專科的兩天,服了女醫師的藥,出現頸部腫脹,淋巴痛,全身脹了,很是嚴重。。。

同樣地,中醫皮膚專科也給我中葯,結果沒有改善,最後。。。還是回到 西醫的懷抱。

西醫專科那位女醫生,看見腫脹的我便說: 現在不是濕疹問題,已經是免疫系統問題,對中葯其中成份敏感,因而全身腫脹,通紅同刺熱。。。 解決必用類固醇吧!

類固醇是白粉,食咗係好,但唔可以長遠,所以服了10日類固醇後,我決定轉到現在這位6年前要我戒口的醫生了。。。

今日係停了類固醇葯第4天,如戒口醫生所講,我的濕疹必定發到豬頭,但他說,開始戒口就會好啦!

相信麽? 老實說我抱懷疑,但唔信又點解要睇佢呢? 一於設個限期,無料到就即轉吧!


歡迎來到我的....濕疹人生

不喜歡這個BLOG 轉了這個名字, 

但不可不承認, 濕疹真的會陪我一生...

不可不接受, 唯有自我安慰, 如何在這「人生」中得到平衡... 

讓「他」不會對我造成巨大的影響.

希望在這裡, 可以令同樣患者得到安慰, 支持...

分享我千奇百怪的治療方法和食譜.

令大家可以積極的面對自己.

各位...加油!!!

阿技....加油~~~~~ (自我勉勵中!)

Meet The Author

濕疹令我變得美麗,變得健康,變得堅強! 奇怪嗎? 病發至今,就憑這餐單陪我度過最黑暗時期,同時也令我簡單地減了12磅。。。 我相信,距離康復不遠了。