Monday, March 26, 2012

LA BEAUTY 震出效果. 一試無防!

自從上年完成哂所有美容"格仔'後,

今日終於又一次投入"格仔"既懷抱.

不過今次係由團購買返來的,

所以.....我都冇咩特別要求.

不過, 今次我做的'格仔' 又真係唔錯.

由於唔係試用,

所以冇影相,

只好可以用文字去講解下.

今次做的係清潔為主的美容,

點樣清潔為主?

就係, 先用淨化角質儀去做面部清潔.

(我記得我係大美容公司做過)

估唔到今次係呢度LA BEAUTY 可以再做一次.

呢個淨化角質儀係以每秒鐘由機頭兩面產生28000次的頻率振動,

边震边清潔,

我見到清潔我杯水由好清,

震完之後變得好污濁.

我問過污水入面有D咩?

原來有我既油脂, 黑頭, 走米.....死皮!

係清潔哂後再做滋潤保濕會吸收得好好多.

震完後便做針清, 按摩同敷MASK.

成個過程一小時多少少啦~

做完感想:

講真..質素唔錯, 唔馬敷.

震完真係乾淨咗.

耐唔耐一次做呢D FAICAL 都唔錯.





KILO OFF幫我捽出好身形

捽阿..捽阿..捽阿..

如果日日咁捽真係可以瘦的話,

請大家一齊捽我啦~!!!

上年我成為了KILO OFF的代言人(自封),

一直支持KILO OFF 既花茶( 聞到好甜, 但入口冇味), 

係最佳去水腫既飲料之一.

今年的加入捽既行列, 

KILO OFF既3D 收緊塑形啫喱,


能夠做到殲脂, 去水腫同美白,

一次過滿足我三個願望呢~

不過點樣用先叫有效果呢?

好多時, 大家買咗野返去, 

都唔知點用先去到效果, 

亂用完一輪之後就話人地冇效!!

其實要做到事半功倍既功效真係一個學問.

第一, 配合均衡的飲食.

二, 記得做運動.

三. 做下穴位按摩可以有效排水腫阿

四. 早睡早起.

而今次KILO OFF既按摩啫喱就係近期我要排走胖虎之名的幫手.

(重申..我叫技安小姐, 唔係胖虎)

每晚沖完涼, 臨瞓前我都會用呢支啫喱同手手腳腳按摩.


當然唔少得我個大肚腩啦~~

用既時候, 我只係吱大約2CM 的長度份量按一隻腳, 直至吸引.

因為成份中有咖啡鹼(4%) 可以做到燒脂功效. 但係....我用咗咁耐又唔覺得支野有發熱既感覺.

另外, 富含七葉樹精華, 銀杏葉精華, 檸精油, 都係可以排水腫呢~

加上含橘精油, 可以做到去橙皮紋同埋收緊作用,

而當中也有甘油同維他命E 抗氧化成份, 可以做到美白功效.

曾經我問過....搽咗上去要唔要包保鮮紙焗汗?

哈哈..


唔使的..

除非你搽既野係會發熱, 

係用痴"苙苙", 攪到周圍DIRTY 哂啦..咁你就要包啦~( 乾淨起見)

而SO FAR 用咗咁耐, 

我既睡衣係好乾淨, 

一點啫喱漬都冇阿~ 

至於有冇瘦到...

你見到我真人咪知囉~



濕疹爛肉記第三回

之前係FB 同大家講話我既濕疹有機會醫返好既消息,

當時好開心後到大家既支持,

我亦都覺得我要分享比大家知道我既進度如何...

先講返第一次睇啦...


而第二次再去睇...

第三次去睇就係度同大家分享啦.

第三次上到去, 就比治療師帶入房,之後就做"徙手"治療,

上一篇文已經講咗咩叫做"徙手"請不要再問唷!

其實做徙手係有咩感覺?

答: 沒有...只係有對手係你塞咗或緊咗既位置度游來游去.

但係奇在一樣野,

就係完成咗後,

我個人即時覺得凍咗..

好似之前有古暖氣係個身度走來走去,

一完成咗後...暖氣冇咗~~~~~ ( 唔知係咪徙手既特徵)

據治療師講: 因為我淋巴位同埋頸位好緊, 令到血液行得唔順,

所以濕疹集中出咗係頸位.

而做"徙手"係可以令我血氣行返通之外, 新陳代謝會加快,

就係可以令到我濕疹位變得淡色,

老實講....係真的淡色了...同埋脫皮多了.( 這是好轉現象)

但係唔知點解....我變得痕咗......! (問過醫師...她沒有解釋)

不過我估係因為濕疹本身D 血有毒, 所以運行快咗時, 會引致我痕!!(我估)

痕還痕...原來有分血痕定係皮膚痕呢~! 大家知道分別嗎?

皮膚痕...R 2 下會痕完..

血痕..係要R 到損先可以止到痕( 較慘)

而濕疹朋友通常都係血痕....所以會R損哂!!

我問醫師點樣止痕好.

得出以下方案:

1. 用冰敷. 記得要敷夠20分鐘先叫完全止痕, 敷下停下...只會更刺激.

2. 唔好用太熱水沖涼..(大忌)

咁我又問醫生, 我脫皮脫得好勁..點算阿?

答: 不要亂搽野. 因為好多時所謂既保濕只係保表面..濕疹皮膚既人內裡低層不停"滾熱"中,
表面搽野只會阻住散熱, 而會引致更痕同埋起水泡!!!!!(原來係咁)

於是醫生開咗一些自已調的葯膏比我, 係少少少少的搽脫皮地方, 要避開紅咗既地方...(紅咗即係發熱中), 呢隻膏係可以令低層細胞有返水份同滋潤呢,屬於導入性高既葯膏.

除咗徙手醫治之外, 仲有一些排毒丸同營養保給丸我食.等我可以排出我體內既毒素呢!( 第二篇文章有講點解呢!)

聽日開始我就會做排毒, 完成後再同大家分享我療程既進度啦~








攞過獎的走珠眼部原液!

不過不失的眼部原液.

早前收到Dr.Swiss 既BB Anti-Puffy Eye Serum,
 

 
收到後先知道,
 
原來當中的成份EGF 係攞過獎呢~
 
而當中的功效可以做到去除浮腫、
 
眼袋專用成份氨肽及植物黃酮,
 
再配以NASHA級透明質酸,
 
高效飽水鎖水及緊緻眼肌。
 
鈦金屬走珠設計,促進淋巴循環。
 
配合穴位按摩,減退浮腫、眼袋及倦眼。

而當中我比較欣賞既係走珠形既筆設計,

因為可以準確咁幫自己隻眼做到按摩穴位.

有時自己按, 總係按唔到那一點呢~

其實呢支眼部原液,

我鼓勵可以放係雪櫃用,

因為佢那粒鈦珠,

凍凍的係眼腫地方"錄錄"下,

的確係爽,

同埋可以令眼腫改善一下!

不過我覺得冬天用時....

唔多夠潤.

不過唔緊要,

大家可以當眼MASK 咁用,

厚敷過後再加自己用開既眼霜便可以了~





Saturday, March 24, 2012

要在化妝界行業中立足? 成功? 請先自重~!


近期收到一些留言, 

說很久沒有見阿技UPDATE 過BLOG, 

很久沒有發文章了?!

講真..真的很高興, 

因為原來真的有人在意過, 

真的有人會關心我到了那裡去!

這種感覺比出席EVENT ,活動更加興奮呢~

近期看到化妝界很多新血加入, 

讀過化妝班就好似成為必修科一樣,

周圍都是"化妝師"了~!!!

到底專唔專業?有冇經驗?是人氣化妝師?都是大家搵化妝師服務考慮既因素.

無可口非, 這些因素都是日積月累呢~

但是看到化妝師這一行業, 人數越來越多, 質素越來越參差時, 

到底這一行業既發展潛力還在嗎?

以前一單跟全日的新娘化妝都會收到不錯的收入, 

但是近來出現很多頂難市既情況, 

例如,購買一日新娘化妝服務送你全日姐妹媽媽奶奶化妝!! (抵到爛, 但質素....真係唔知)

例如, 化姐妹妝, 100蚊位, 買一送一...( 我覺得同做義工冇咩分別~!!)

例如, 唔收錢, 但求有相影, 以便日後做工作記錄.

講真, 咁樣頂爛市, 很難做呢~~~~~~

現在既局面正令我諗起十年前左右的影相年代,

從前想影相 (沙龍), 

會請攝影師(真金白銀), 

但現在只要你唔怕醜, 

便可以登記做模特兒, 

攝影師(龍友們)會幫你影相之外, 還會比返錢你呢~~~~

當然大家會講, 

一分價錢一分貨, 

有質素的化妝, 客人係會知道的~!( 完全認同)

但是現在當化妝師的路比起以前, 

變得更是難行, 收入更難穏定啦~

想要成功, 

真的非靠旁門左道不可了~

不要說我誇張,

我聽過某化妝師在其他客人面前唱其他化妝師的不是!(當中很多都是無中生有!)

而互相放毒蛇也不少,

有些更會自己頂爛市造勢後,

又話別人同樣做法是不當的.

阿技本人覺得這些都是自斷米路的蠢事! 

化妝界總有這些是非. (應該是各行各業都有這種事情)

但是這些"某化妝師"難道沒有想過風水輪流轉, 山水有相逢的道理嗎?

很老實, 化妝不是個人的活動, 是很講求TEAM WORK 的, 

不止是你一個人工作的, 你周圍的人都要配合你呢?!!!

有時一個WEDDING 工作, 不會是你一個人去做吧?! 

有時一個CAT WALK SHOW 的JOB, 你一個人也不會完成到所有MODEL 吧?對嗎?

當我接到這些JOB 時, 這些"某化妝師"周圍唱人的行為(到處點起火頭)我是絶對不會找他幫忙

呢? (報應吧~!) 還有...別人見你如此的"行為" , 還是會跟你保持距離, 免得自招麻煩!

這些人的行為我想大家懂得分對錯的都會知道後果!

化妝界已經跟以前大大不同了.

到底還是如大家所想的如此容易入行? 

如此容易的接JOB?

如此容易的發展?

試過才會心熄吧~!








Sunday, March 18, 2012

我表演飲比你睇!

早前有位朋友s小姐,專登送我一份禮物!

講真收到時真的唔想要,但係見佢一番心意,加上佢話食咗可以令我平日上妝貼d, 肌膚可以脹卜卜d..... 咁咪收咗囉!

S 小姐,為咗你呢個心意,我決定出文表揚你!(感動冇?)

講真,我平日對呢種飲劑係抗拒!成日覺得會係一陣怪味!不過見你話係橙味,都叫做可以接受既!

我嘗試過混合豆槳,味道唔錯!橙味豆槳都算係第一次!

你教我一日一杯便夠,是嗎?
我有跟足的!專登影埋你睇,廢事你話我呃你!

我仲試過混合川貝一齊飲,哈,橙味即時蓋哂!

不過講真最佳配搭味可以話係朱古力!正!

S小姐,乜我真係好殘咩?你話我大眼袋,大毛孔.加倍q10如果真係改善到,我一定會報答你呢!^.^

仲有你話你用coupon 買會平d,係咪Facebook 送優惠卷個個?

草球的神奇功效


阿技愛按摩,

不論BODY 又好, 面部又好...

我都鐘意~

尤其是人手按總比機器按的便為舒服,

因為人既體溫跟自己的體活接近,

容易令人覺得放鬆同埋穴位更加"到位".

不過今次我試既係....

神奇草球面部護理.

地點係...現代美容.

聽就聽得多,

都係第一次去咋~~


講裝修, 靚同GRAND,

至於房間設施 ,

都沒有什麼特別.

不過都好乾淨.

講返今次個草球面部護理,

草球有咩特別?


以薰衣草制成的神奇草球有平靜與舒緩功能,

能鬆弛神經,紓緩壓力!

神奇草球也可抑制細菌生長,

避免皮膚受感染,

更能安撫因天氣轉變而令皮膚衍生的各種敏感、

缺水或乾紋等問題。

(介紹到咁勁, 等我試下係咩料子先~!)


一開始,

換件浴衣, 方便等陣按摩,

洗面,洗面至肩,然後用棉花抹淨

之後用爽膚水,潔面後塗上,

跟著進行面部簡單按摩, 按反射穴位.

(開始眼瞓)

PEELING,PEELING + STEAM打圈蒸面 5 分鐘

便是.針清(一D都唔痛)

簡單修眉, 清除雜毛呢!

(超級眼瞓)面部按摩,塗上按摩膏按面20分鐘(超爽)

主角出場.

薰衣草+迷迭香球按摩 10分鐘
再膜上眼膜面膜

(己瞓左)
按手、按肩、按頭
最後塗上面霜、眼霜.

(完成)

大家或者會問,

草球上面係咩感覺?


暖暖的小球係面部LOOK LOOK 下,

好溫柔, 力度好輕... 唔會覺得大大的死用力咁.

加上一陣陣的薰衣草香,

很爽同RELAX.

不過由於個草球係濕濕地,

好容易係面度用力時會流水(係面上流動!)

不過大家可以放心.

由於長期有個暖爐燒著座熱,

所以唔會凍冰冰咁請你食凍柑!

 其實草球仲有好多神奇功效.

可以消炎、殺菌、淨化、平衡油脂分泌、淡化疤痕、補濕滋潤、刺激血液循環、去除水腫

大家以後做FACIAL ,

種類又可以有多個選擇啦~

如果要知道技寨的動態, 可以ADD 技寨面書專頁, 隨時又會有送影相化妝大禮呢~
 
想搵我?
 
 
 
 
 


 






Wednesday, March 14, 2012

Tonymoly 美白FLORIA 大作戰

春日, 美白...便是王道,

各大品牌都分別推出美白為主既護膚品.

而我一向都支持既Tony Moly,

同樣都出了一條價錢中價,

但質素好好既美白LINE 呢~

FLORIA.




見到新出既LINE 分別有美白爽膚水, 精華液, 面霜.

等我試比你睇...


我沖完涼面部皮膚同我隻手一樣,


乾爭爭...
 係用完FLORIA 既爽膚水後,

等三分鐘便可以用精華液.

我成日覺得天氣開始回暖,

面唔需要咁太滋潤.




 好似呢隻咁,

唔會好"立",

好易推呢~



見到推開後,

明顯地令皮膚更有光澤.


如果大家有點點班,

也可以用WHITENING SPOT ERASER,

如圖


每次一小點便可以夠.



搽完後, 我通常會再等三分鐘,

因為可以令到面部更加吸收.

之後可以再用WHITENING CREAM,

呢個真係要大讚,

因為好有SLEEPING MASK 既FEEL,


GEL 狀質地一點都唔立,

仲可以好似敷MASK 咁用,

我用咗敷過夜,

放心,

唔會起粒粒呢~



見到嗎?

係用完後一小時,

皮膚變得有水潤感,

飽滿既感覺,

非常良好.

加上個味道好清,

唔會覺得係人造味咁.

支持支持~



大家想了解更多,

可以到TONYMOLY 專櫃睇下~

(我真係好想好似韓國女士咁有靚靚皮膚阿~)

如果要知道技寨的動態, 可以ADD 技寨面書專頁, 隨時又會有送影相化妝大禮呢~

想搵我?
 



 
 


Friday, March 2, 2012

新品ARMAMI 光華再生亮膚BB霜試用分享!

試過種種的BB CREAM ,

隻隻都有可取之處.

而今次有機會試到全城讚口的GIORGIO ARMANI 新推出的BB CREAM,






可以話真係要試清楚,

點解人人都會話ARMANI 好用呢?

光華再生亮膚BB霜SPF 50/PA+++

呢隻BB CREAM 標明可以修正色調,

幫面上的膚色變得完美.

因為本身阿技既膚色較深,

一直擔心BB CREAM 上到面會白咗一撻!



但係原來唔會的,

因為入面有獨有GREIGE 色調,


修正暗黃色調,

可以令人睇落去冇咁黃,

加上可以做到提升光澤, 

望落去會飽滿感同有水潤感.

加上我用既份量唔需要多,

大約一個五毫子的份量便可以搽到全面!

放心..唔泣...好乾爽!!


我全日九個鐘都冇出現乾到脫皮既現象.(睇下我個鼻翼位, 就係証據!)

其中成分中既原紗色調(GREIGE),

質地細緻絨軟, 極容易推, 好快會融入皮膚, 成為皮膚既一部份咁~!

另一樣值得讚既係香味,

因為那種佛手柑同茉莉花既味好吸引呢~~

高貴既品牌,  味道同質素都係唔會令人失望的~!


如果要知道技寨的動態, 可以ADD 技寨面書專頁, 隨時又會有送影相化妝大禮呢~
想搵我?






Meet The Author

濕疹令我變得美麗,變得健康,變得堅強! 奇怪嗎? 病發至今,就憑這餐單陪我度過最黑暗時期,同時也令我簡單地減了12磅。。。 我相信,距離康復不遠了。