Tuesday, December 27, 2011

<技寨手工皂室傑作一> 化妝工具清潔皂


技安小姐又造皂啦~

今次要推推推推介比大家既係.......

洗掃皂~

唔知道大家平日用咩用品去清潔自己既化妝掃, 卜呢?

身為化妝師既我, 清掃係成日都做既事,

但係我D掃講真, 係貴野~!!!!!

要好好咁保養,

所以決定自己做手工皂同佢地洗白白.

或者大家未必知道,

做一件手工皂係唔係一件易事,

要用好多時同油去調製.

而油既來源都唔簡單,

棕櫚油, 椰子油....呢D都要精選出來的~

加上溫度既配合, 份量作可以做到一件皂~

加上手工皂既成份係全天然,

所以更加珍貴~!

講咗咁耐,

要介紹我既洗掃皂~

點樣用呢?

1.先整濕件皂.


2. 再把已濕水的掃係上面掃,

染上手工皂.


3. 你會見到D 色即刻出哂來~~



4. 再去過一過水..

乾淨哂~



跟著用風乾便可以了~

就係咁簡單~

其實你地可能覺得冇咩特別,

但特別之處係成份是全天然,

對自己隻手都唔會有任何傷害,

仲可以做到保濕的功用,

加上成份中的油有滋潤成份,

可以令掃更加柔滑!

加上沒味,

絶不會令你支掃留有清潔用品味呢~

已經一舊皂..可以用到...好耐...好耐..~~

大家有興趣的話,

可以留言比我~

因為今次產量得六件,

所以先到先得方式~

由於D油較貴, 大家想要的話每件價錢都係$45, 算係SHARE 返D油價啦~

支持環保, 支持手造皂


想搵我?

技寨化妝室全面開放, 親身示範清淡日妝+教用 NARS 聖誕眼影SET,KP同你做出娃娃眼,高貴DIY頭飾優先睇!

技寨化妝室終於可以推出來啦~

好多人都問"技寨"係做乜?

其實...技寨係一個地方比我去做設計, 創作, 試妝室, 教學既地方!

係一個技術表演既地方....!

呢期成日都好想分享技寨新品.

即係咩?

新的玩具囉~~

聖誕期間,

入咗D新玩具比自己,

同時比新娘子用~~

原本今日邀請了一位MODEL 幫我試新野,

點知臨時有時來唔到!

所以只好由我自己親身上陣啦~

(點解次次開場白都咁Q 長!)

入正題啦~~


先同自己打好個底先~

其實阿技一直面對既問題...係....大眼袋!!!

大家未必知,

黑眼圈係可以遮,

眼袋係冇得遮的~~~~~~~

上好個底妝,

要同隻眼打埋底,

上眼影先會貼呢~

平日我會用NARS 做BASE,

但今日我要試下用....

JS



今日我要演繹既係一個結婚既日妝,

所以會比較清淡~!

用粉紅色的閃眼影GEL 做BASE,

可以令人覺得清新的感覺.



 見到啦...唔需要多,

少少, 少少的上便可以了~

好啦...到主角出場~

哈哈..就係NARS 的聖誕眼影SET.

大愛也~~

而我今次會用的係...



深藍色!!! 

大家可能會誤會深藍色係D晚裝先會用.

未必.........

等我示範過你睇啦~


先係眼蓋位上一層,

用手指輕輕推開,

出來的色會係淡淡的,

跟著再係眼尾位加深...



見到嗎?

原色係可以好深的..

記緊..劃得上眼線, 請與下眼線連接.



之後想令隻眼更加加深立體感,

可以用銀色係眼頭位同下眼線到上色,



唔好以為好誇..

一D 都唔係~~



只要推返混合,

便會好自然~~

好啦..

大家係呢個時間便應該埋眼線同搽眼睫毛液,

但今次可以慳返~

因為小妹一向都係幫襯KP 的植眼睫毛,

今次植的款係"娃娃", 長度係11mm.

比起之前12mm 短少少, 但係出來效果會比較濃密~~

加上KP的技師個個都好專業,

出來效果都好令人滿意~

keep 到幾耐?

一個月度啦~( 小心保養的話)

有咗呢個植毛,

我可以慳返劃眼線添!

上返個粉紅胭脂同唇膏,

攪掂~



今次除咗係想試NARS既新品之外,

就係想影下"技寨"新既頭飾.



呢個係近期新品,

新design, 夠高貴~~( 版權所有, 請專重)



新既髮型,

大家唔好以前阿技係好長頭髮阿~

阿技只係得到肩膀的長度呢~~





好啦....

為咗唔想大家係度唔開胃,

放住咁多相先啦~

下次都係搵返model 同我示範好d啦~






上年阿技得到好多化妝上的讚賞,

覺得自己係冇入錯行的,

而新一年,

大家如果要搵阿技化妝,

新娘化妝, 姐妹化妝, 宴會化妝, party 化妝....等等.

只要話識得技安小姐,

全部都比個折你地啦~

阿技完全樂於為大家服務!

想搵我?












Monday, December 26, 2011

AVANCE 令一個爆瘡女挽回自信

以下的圖片, 可能會引起你地既不安!!

上個月係阿技另一個生活的開始,

可能係一時未能太習慣,

而發生大爆瘡時件...

大爆瘡對我來講係有史以來的第一次,

面對呢一個情形,

攪到出文的心情都影響埋!!

不過...呢個世界有樣偉大的發明..

叫做化妝品!

嘻嘻~

好啦..唔講咁多..

開始爆瘡女變滑滑女之謎~~~~


呢個咪係大爆瘡既我囉~ (放心, 而完全康復!)

早前用咗呢個樣去出席發佈會( 佩服我呢個胆量呢!)

個發佈會係介紹AVANCE 的眼部化妝用品!

如果大家係有睇開日本雜誌,

會見到D 雜誌成日一致推祟的品牌之一.

而今次登陸香港,

作為化妝師既我點會唔留意阿~!



當日發佈會,

請到樂曈來做嘉賓呢~

就咁講AVANCE,

你未必知係咩Product,

就係呢個啦~





哈~ 其實我一向用係新娘子度用的睫毛液, 就係呢吱啦~

呢支有咩好~?

唔好話我講得誇張,

用咗真係可以潛水都得!

紅色包裝AVANCE 瞬間濃密卷翹睫毛膏,

(VOLUME CARE MASCARA) 

內含蘆薈, 透明質酸, 山茶花油及荷荷巴油等保濕成分,

時刻可以滋潤睫毛. 做到防水防汗, 抗菌性強.

而藍色包裝AVANCE瞬間纖長修護睫毛膏,

(LONG CARE MASCARA)

FILM TYPE的配方, 可以防汗防水,

同時因不混合纖維, 可以做出支支分明,

不會糾結纖維塊.


兩支都好好用,

好啦~ 到我出場!





勁呢.....我既大爆瘡一下子比我得七七八八.



今次我仲用咗d 野,

係就雙眼皮貼,

有冇見到我隻眼圓咗好多呢~?

到佢出場啦~~



我今次用既係呢隻AVANCE Long Care Mascara,



呢個頭可以做出好濃密同容易控制呢~



真係好易用阿~~

好啦....



爆瘡女..變成......咁樣樣啦~





hahaha


想搵我?









Thursday, December 22, 2011

Shiseido White Lucent 成條LINE試用分享+價目表

早前出席了SHISEIDO WHITE LUCENT 的一個新品發佈,

優先得到了2012年1月1日先推出市面的SHISEIDO White Lucent 美透白系列試用套裝,

當然包括了Intensive Spot Targeting Serum+ ( 今期主打!)


今次真係要好好咁試下,

開支野比大家睇下啦~

大家未必知道,

Shiseido 原來已經有140年經驗係研究美白方面,

係不同國家, 種族既女性都面對色斑的煩惱,

但原來Shiseido 一直都有自己的科研專家,

致力研究色斑的起源!!

發現了色斑是由紫外線觸發形成,

通常出現於雙頰及上半邊面,

而在色斑部份積聚的大量黑色素,

會好似拼圖連埋一齊,

令到細胞分裂難以進行,

正因為這個令新陳代謝慢性失常現象,

同時也令黑斑難以根除的主要原因!

正所謂治標都要治埋本,

所以今次Shiseido推出了四重美透白方案,

從預防色斑形成, 截擊黑色素根源, 減少黑色素製造, 淡化己形成色斑.

平日我相信大家沒有細心留意,

徹底的清潔是美白的開始!


呢支係Brightening Cleansing Foam W

含美白微粒的溫和潔面泡沫,

能揉起細膩而豐富的泡泡,

起泡量可以話係驚人.



只可以吱半厘米的份量,

加入水, 便己經可以發起很多很多泡,

這些泡泡可以有效去除污垢, 並清除含黑色素的老化角質,



(請不要笑阿技的浴帽!!!!)

同時可以鎖住肌膚必要水分!

平時阿技好鐘意一路洗面,

一路同自己按摩!



(攝影師...可否唔好再影我呢個醜相!!!!)

大家可以放心,

好易過水.....唔會覺得有D洗唔乾淨的感覺!



(終於正常D啦)

洗完面有後覺得自己的皮膚有返一種透明感!

之後要用的便是Brightening Blancing Softener W

即係美白補濕健膚水,



這支健膚水能提供肌膚源源水分,

令肌膚從內而外散發天然光澤,



份量唔需要多,

大約一個一蚊大的份量,

已經夠全面使用!

曾經聽過一個台灣朋友介紹說,

要健膚水用得事半功倍,

只要用輕拍打式拍在面上....(唓! 人人都咁做架啦~)

但大家未必知, 要拍多少才叫有效~!!!

答: 你年齡多少, 便拍多少下.....!!

即係例如 你今年18歲, 便拍18下!!!



(細眼阿技示範中!!!)

用咗健膚水有什麼好處?

其實可以提升隨後使用的護膚品效能的~



根著用的係今次優先可以試用的Intensive Spot Targeting Serum+

咁細吱既~~?? ( 大家請放心, 因為係優先用, 所以比我地既係9ML size)

你地係街到買到的係大吱既~

呢吱其實勁在什麼地方?

便是包括了資生堂獨創「多重亮化美白系統+」,

能直撃頑固色斑核心, 預防未來色斑形成.


吱出來係半透明的乳狀.

唔好睇小佢, 佢成份含有高效美白成分多效維他命C及4MSK,

可以重點撃退斑斑, 使膚色更均勻,

同時全新研製的黑色素破解活膚成分, 更針色斑底部發揮功效,

提升透明感.

只需持續使用10天, 擊除暗啞, 重煥剔透.

之後可以再用Brightening Moisturizing Emulsion W修護肌膚,

晚間乳液可以帶來保濕效困, 鎖住高效美白成份,


小妹手上係滋潤的乳液,

所以比較杰身...同厚,

不過好快吸收, 唔會出現令你焗出面油的感覺.

如果你怕杰的話,

可以選用清爽的啫喱狀呢~


(阿技正比電視吸引咗!!!!)

一邊護膚, 一邊睇電視, 一邊按摩....

咁樣先至對皮膚好呢~
或者大家會問,

呢支Brightening Moisturizing Gel 是晚霜, 那日間用什麼?

日間可以使用Brightening Protective Emulsion / Cream SPF15,

日間乳液能可以做到美白, 補濕及防曬三重功效.

同時可以做到防禦影響肌膚透明感的環境刺激物呢~


大家係咪覺得呢D LINE 好勁呢?

唔止阿! 這係系列還出了美透白底粧系列粉底同底霜呢~

全部都有防曬功能架!

如果大家有興趣,

可以到資生堂門市睇下, 或者到佢地WEB SITE 了解都可以阿~

比埋個價錢你地參考吧~

Brightening Cleansing Foam W HKD$280
Brightening Balancing Softener W HKD$390
Brightening Protective Emulsion W SPF15 HKD$430
Brightening Protective Cream W SPF15 HKD$430
Brightening Moisturizing Gel W HKD470
Brightening Moisturizing Emulsion / Cream W HKD$470
Intensive Spot Targeting Serum+ HKD$760
Brightening Spot-Control Foundation SPF25 PA+++ HKD$350
Brightening Spot-Control Base UV SPF35.PA+++HKD$330

想搵我?



變質了的blog 界朋友~

原本打算打開電腦準備打自己的試用報告,

但在開始前, 見到自己訂閱的blogger 有新文出,

當然會支持一下...........

但突然有感而發,

覺得兩年之間,

變得太多!!

係blogger 界入面,

由初相識,

到今時今日,

真正成為朋友的又有多個?

還記得以前,

那"朋友"說,

blog 用來記錄生活事,

但到了今日,

再睇返那朋友的blog,

意義失了~~!!!

對嗎?

不管人家如何對待自己的blog,

那是人家的自由!

但可以肯定的,

當初簡單和沒有機心的原因,

已經變質,

所有文章都好像是個人主義,

充滿商業味道.

如果我不是blog 界,

我真的會覺得你們很捧.

但因為自己也是這個圈子的人,

運作, 發展, 自己都是行內人,

那些真心分享嗎????????

也好像要把自己瞞騙!

對嗎?

不過...人人對自己的blog 用法不一,

沒有一個規定!

阿技講咁多癈話,

都只係想講....."你"已經變咗!!!


Sunday, December 18, 2011

SHISEIDO WHITE LUCENT 美透白百人體驗之約活動分享

一呼百應的百人聚會,

有如一個偶像開的一個FANS CLUB聚會.

今次見到資生堂攪咗過新品發佈聚會,

作為粉絲的我, 點會唔支持~!


SHISEIDO WHITE LUCENT 美透白系列百人體驗之約

於炮台山AIA 大廈舉行.



一個百人的約會,

地方安排了我們在一個課室舉行.

地方雖然不是很大,

但係安排都唔錯,

至少人人有位坐,

人人有支水!

在場百人粉絲都是一齊見證Shiseido 新品Intensive Spot Targeting Serum+ 的推出.

今次新品出有咩特別?

就係10日便會見效的特點,

擁有百年歷史的資生堂,

產品一向得到大聚支持,

可想知有他的實力.



呢個就係今次我地有機會一齊優先試用Shiseido White Lucent 系列.

係未正式開始介紹之前,

在場BA 已經好好的給我們講解同展示今次的產品,



這是Shiseido White Lucent Brigthening Cleansing Foam w

係美白系列中洗面用的,

主要係泡沫夠細,

加上可以有效清潔面部多餘的油脂同污垢,

令到皮膚可以更有效的去吸收之後的護膚精華,



泡沬特質是夠幼細, 唔會易消失,

夠結實, 只要少少份量己經泡沫豐富,

加上厚厚的質感,

在面上輕按, 感覺好綿好柔軟同好滑.



除咗有機會了解產品的用法同特質之外,

還有機會讓我們了解自己皮膚黑色素出現的原因,
與及了解自己肌膚構造呢~



呢個就係我地今次的主角,

Shiseido White Lucent
Intensiv Spot Targeting Serum+



活動正式開始啦~

靚女主持人介紹了Shiseido 美透白專家WINKY 給我們講解這個美白秘密同方法,

給我們上了一個寶貴的一課!

一白遮三醜, 誰不想又白又滑,

坊間方法過百種,

真正有效的又有幾多樣,

想去除面上的斑斑,

治標先要治本呢~



透白的GEL 妝Intensive White Lucent Intensive Spot Targeting Serum+,

水潤潤的感覺, 很易被吸收!
大家未必知道,

早於1917年資生堂已經開始對美白進行研究,

而且還推出了紅色夢露Eudermine 活膚水呢~

是史上最先推出的美白產品!

可見他們已經是美白專家.



當然, 如果要美白產品的功效做到更好,

其他相關的防禦都要做好,

例如, 日常的防曬粉底, 碎粉都要配合.

在這個百人之約中,

Shiseido還教我們用資生堂的彩妝用品化一個靚靚的妝呢~

MODEL 是我們BLOGGER 之一呢~



可惜阿技的坐位不是正中,

未能影到太多相,

還有太專心的聽講,

所以有點忘了影相呢~



資生堂對我們這班BLOGGER 安排了三個遊戲,

但是阿技還是沒有這麼的幸運,

不過投入過總算是得著~



由於聚會只月2小時,

時間後快過,

不過有機會跟一班的BLOGGER 一齊見證新品推出,

還有機會優先試用,

真係好幸運,

試用品就在袋子中,

好期待阿~




大家要等我既試用阿~


想搵我?









 

Meet The Author

濕疹令我變得美麗,變得健康,變得堅強! 奇怪嗎? 病發至今,就憑這餐單陪我度過最黑暗時期,同時也令我簡單地減了12磅。。。 我相信,距離康復不遠了。