我從不喜歡大吵大罵...
不是我的風格,
但不代表我是會吞聲忍氣,
不會出文聲討"雷店"!!!
真係一肚氣....
話說三月中時經團購買入畫畫COUPON 價值68元正三張~!!
(由於小妹喜歡畫畫, 所以喜歡到不同地方畫!)
今次我試去的是灣仔這一間,
KA ATELIER
由於有三張卷的關係,
分了三次下BOOKING...<--這也不是重點!!
重點是...
我為何會選擇去這間畫室呢~
1. 歐陸風格
2. 可以畫樽
3. 任飲任食
4.地點許可
但原來貨不對版的呢~!!!!!
(這也不算是重點..)
由於平日畫畫成日都係畫在紙上,
難得今次可以畫樽,
小妹當然會把握機會啦..
於是第一次上去便畫樽吧~!!! (這個需要預先預訂的)
上到去..
負責人便準備地方比我跟朋友一齊畫, 但是...地方淺窄!
這都算! 但想不到負責人給我的樽是這樣子~!!!
我沒有想過那些"招紙"還貼在上面?
是藝術? 還是覺得我們會喜歡保留?
於是我花了半小時時間清理那張"招紙", 但都不成功~!!!!
我想澄清, 那張"招紙" 在樽頂和樽身都嚴重的影響上油後的觀感和質感!!!!!
算吧~
或是繼續上色吧~!
唔知係咪我佔的空間不用太多,
佢只係比張圓櫈就算....
過程唔重要,
最緊要係結果,
我既傑作,
講真..咁睇好似平平無奇,
但係我用咗好多時間係到雕花,
係..係雕花...我用牙簽一下一下咁雕....
大家見到黑色的暗花..是我一下一下咁雕的~!!!!
由於.....難乾的關係...
我把我的寶貝留係畫室,
下次再畫再上去拎~!!!
琴日...
我去接返我個傑作~!!!
但竟然變成咁..
係..你地冇眼花..
碎哂...
我一去到...負責人跟我講..
唔好意思,
你個樽比個客打爛咗~!!!!
當時我只可以一個反應------呆咗!
負責人: 唔好意思, 咁多個只係打爛你嗰個...真係....唉..
(咩意思!!!! 即係我好唔好彩啦~!!!!)
我: 冇出聲....
負責人: 我地比個樽你下次再畫阿?????
我: 冇出聲...
負責人: 你個樽又真係好靚既...
(仲講!!!!!!!)
於是我係冇出聲的情況,
便畫另一幅啦..
大家話...我可以點...????
其實我對呢間畫室已經好多意見,
之前想出文同大家分享,
但係始於覺得人夾地方啫..
可能係我唔夾佢呢~!!!!!!!
不過佢地竟然打爛我既樽,
今次我真係唔可以唔出文同大家講~!!!!
畫室三宗罪!!!!!
1. 貨不對辨, 話咗比大家30CM X 30CM 的SIZE 比大家畫,
但係去到見到畫板的SIZE 點都唔係囉...細個塊磚....!!!
問過負責人有關問題, 回應是: 係阿, 冇哂啦, 得返呢D SIZE....
(吹脹, 你冇哂你既事, 我地有比錢的!!!)
2. 任飲任食, 呢個仲好笑, 放得三四塊餅係廚房加上冇蓋的..真係衛生!仲有飲品, 是在茶壺中的, 不是獨立一包包的, 這也算....問題是選擇得兩種.....中國茶同綠茶! 乜呢D叫歐陸?
仲有冇同我地講係比我地食, 到底有冇心同大家分享"歐陸情懷"!!!
3.大家玩ART 的人對藝術品都會愛惜, 但點解對於人客的作品, 可以咁唔小心,
我記得我放好個位置係安全, 但係點解出事個位會換咗呢~!!!!!!
係咪一個唔好意思可以解決問題~!
4. 地方一點不RELAX, 好像昨天, 係音樂下畫畫都應該是開心的,
但點解負責人係呢個時候在裝修什麼東西似的, 發出巨響!
想點...真的不明白....畫具又不潔之外...負責人的態度更是泠漠,
唔通呢D先叫藝術家!!!!!!!
一口氣數完....
好像舒服點!!!!
講返我個樽...
呢張係我同佢既遺照,
原本打算拎返去痴返....
但係...
碎成咁...點痴喎...
大家見到我精緻的雕花嗎????
原本想像在光下會是透光, 很美的....
唉....
我仲有一次COUPON 未用,
佢又送多一次比我..(有屁用)
我都唔知我應該用咩心態上去好...
估唔到我未爆佢樽, 佢先爆我.....
請大家小心呢間畫室!!!!!!
