登登登登....
請大家比少少鼓勵的掌聲比我近期的傑作.
"樹脂水晶膠吊飾"
係阿~~你地冇估錯,
真係我親手做的~~( 估我唔到呢!)
其實我係參加咗Jccac 的一個課程,
之前介紹過的一個藝術村
由MISS FAT 教我地做手工! ( 好有小朋友做勞作的感覺)
呢個手工班已經包咗全D材料,
其實做法好簡單~
先幫個吊飾做個底,
度好SIZE 先搵想要的色紙做底~
而我搵咗個至愛的粉紅色!
跟著用白膠槳貼好底紙
雖然咁樣都可以叫做完成,
但係仲可以加多D 唔同的原素入去,
令個吊飾更加豐富!
好似呢個咁, 加多塊花花布,
便可以落樹脂水晶膠定型啦~!
係咁好簡單呢~
另外一個吊飾,
我打算用珠珠做底色~
同樣地都係係個底到用搽上百膠槳,
再一粒粒砌上去~
加返個貼紙...
再落膠便完成~
呢D 吊飾放係風口地方一晚便會乾啦~
之後便可以做飾物啦~
我個作品..
不過不失吧~!
除咗整吊飾外,
我仲學人雕圖章,
今次我打算雕呢個圖案,
用鉛筆把顏色印上去雕刻膠度,
跟住決定點樣雕啦...
到底我要雕走黑色部分,
還是白色部份呢?
這個會對出來的效果有很大分別,
到底我想我的印章是怎樣效果?
最後我都是決定雕走黑色的部份~!!
那出來效果會是...一個方形..?
不好..不好...
還是再雕走白色的部份吧~
最後結果出來.....
便是上圖..
唔知點解.
我覺得好有民主黨的FEEL,
人地係白鴿,
而我係...燕子... (笑)
唔知大家對呢D 活動有冇興趣?
下次再同大家分享更多啦~!
