阿技自從全職當「技寨寨主」後,
日日都好想把自己要分享的事UPDATE,
可惜, 人總是有惰性,
總是喜歡一拖再拖...
*
前天阿技去咗一個地方,
是從報紙得知這個美妙之地,
好想去睇下阿~!
(一定好浪漫架呢?!)
如大家有阿技的FACEBOOK,
都會知道阿技去咗沙田新城市廣場的一個叫做"星光花園"既地方,
拍了一張到此一遊既相片,
而這一樣相片,
自己都估唔到會咁大迴響,
大家都好有興趣!
所以我決定優先出文同大家介紹下!
這個場地係FOC....(FREE OF CHARGE ) 唔使錢入場,
由每日下午四時開始於一期四樓換領處派發當日入場卷,
每人只可以攞2張咋!
而逗留時間只有20分鐘,
每一場次可以容納550人,
仲有每一場都會有四分鐘燈飾匯演, 同場燈光啓亮四分鐘比大家影相呢~
地點: 沙田新城市廣場一期七樓星光花園
穿過呢個藍色星光拱門便可以進入啦~
係阿, 記得係場數開始前五分鐘要到啦,
因為MISS 咗迟咗會係你既損失~!!!
其實大家都想知呢個SHOW 有咩睇,
專登入沙田睇SHOW 抵唔抵?
未亮燈前, 講真, 真係冇咩料到!
不過準時開SHOW!!
一開始會見到燈光如流星咁流動,
呢一刻好動人...
配合好似"星戰"的主題音樂,
星光流動,
好浪漫阿~~
雖然短短八分鐘, 但已經覺很動人!
小妹一直諗,
如果有人係呢個MOMENT 同我表白, 求婚.....我估我乜都肯..
可惜, 我既......朋友...走咗去....
影靚模...!!!!!! (灰)
唔醒水...冇計!!!!
大家如果有興趣都可以去睇下~
日期: 由即日起至2012年1月15日開放
時間: 6:00PM 至10:00PM
醒目提示:
大家入到去, 要即刻霸位影靚相,
而霸位位置最好似企係場地離場位置(個VIEW 係最好!!)
同場前面冇人會遮到你影相呢~!
