我一直諗緊用咩來形容這個服務, 終於比我諗到呢五個字「偷閒加油站」.
以前返寫字樓工, 返工時間已經好忙, 有時忙完一輪又要出去見客!
講真....忙到甩碌個樣已經好殘,
又要見大客? 又要代表公司出去見人?
一個殘樣, 講真都好會好趕客~!!!!
於是我成日諗,
有冇機會可以有D化妝品牌可以提供30分鐘美容服務,
比自己個樣可以差一差電,
由怪獸變返人樣都好阿?!
呢個諗法原來真係會有人同我實現~!
Shu Uemura 近來推出咗Recharge-up 速效活膚面膜及眼膜護理呢個服務,
全個過程只需要30-35分鐘啫~~~
就可以變返有神彩既樣!
講....好似好勁,
都係親身試一次先可以話比大家知--------好定係WASTE 時間?!!
******
先比大家睇下我個殘樣先~! (怪獸出沒)
你地有睇錯, 未化妝前係又黑, 又暗, 又多黑頭.....
我個日就係咁既樣又屋企出門口去IFC 進行呢個試用! (夠勇呢!)
一去到,
見到BA 阿MIC 同我做個皮膚CONSULT,
了解我皮膚需要咩同欠D咩?!
跟著再同我解釋返之後做既內容同埋用D咩產品,
大約呢過過程用咗五至七分鐘!!
之後就帶我去咗一個小角落位去開始呢個「差電」.
阿MIC 好小心的幫我夾起頭髮, 以免弄髒~ !
再用皇牌產品的卸妝油同我全面清潔.
跟著再用紅萃能量活肌亮眼筆同我按摩眼部,
大家見到的係走珠形的筆狀,
平時屋企自己用可以用佢直接係眼部"碌"來"碌"去,
比個TIPS 大家, 原來"碌"係近眉頭,太陽穴位置係好舒服的,
碌到去個D位可以用一用力,
好爽啊~!
之後阿MIC 會用日式按摩手法同你塊面做按摩,
呢個動作又係好正的...
比我影到比大家分享,
跟著做....包爽~!
按摩完啦...開始有點睡意!!!!
面膜出場的時候..
大家會問, 點敷? (當街的敷?)
答: 係坐係度敷!( 好爛的)
大家會擔心出面街的人望到自己個怪樣嗎?
(講真...我有擔心過!)
但原來我呢個Corner 位係冇人見到的,
明星們都係咁做的~~~
唔好以為敷面膜只係坐係度,
原來同一時間,
BA 係會同你做埋手部按摩,
啱哂OL 日做夜做做到手都軟~~~
按的過程至敷完面膜,
大約十分鐘啦~
大家想知道我變咗人類未?
哈~~~~ 面色好咗..
但係個樣都係....醜醜地!!
阿MIC 便同我上返個簡單的妝.
先同我查返個防曬先同用全新絲滑貼膚粉底打底先~
就係用呢SET 同我化妝啦~
見到我即時面色好轉嗎?
再用專業遮瑕筆幫我點走我既黑眼圈同埋瘡印.
開始返入人間.......變返人類啦..
再上埋胭脂先,
好正阿...好貼面啦~~
劃埋個咀同眉便完工啦~
再噴一噴噴霧,
個妝先LONG LAST呢~
攪掂哂啦~
可以出去見人..同見客啦!
睇返之前個樣真係爭好遠阿~
大家有興趣, 都可以去 植村秀國際金融中心旗艦店 - 中環國際金融中心商場1086店度試下啦~
