濕疹人生 之 皮膚裂痛舒緩膏

小妹早前一個親身機會,認識Huiles & Baumes這個品牌,

是天然有機的一個品牌, 

當中這個有機萬用修護膏是非常合適給濕疹皮膚用的.

小妹親身試過...

話說早前濕疹發病至全身乾到裂, 

膝蓋更乾到申直都很痛, 

於是便到附近一間賣護膚品的店舖,

打算貪小便宜的用人地既tester 護膚搽下膝蓋,

希望可以舒緩一下, 

點知比店員見到, 

店員小姐不但沒有暗笑我之餘, 見到我隻腳搞成咁, 

就攞咗呢樽膏比我, 

叫我厚厚的搽上去, 

( tester.....就咁比我用咗三分一, 搽咗全身同腳....)

講出來都有點不好意思!!

不過估唔到15分鐘後,

乾到裂的皮膚就咁軟返哂,

裂痛當然解決咗啦~

同時那種油淋淋的感覺消失得無影無踪, 

原本又乾又痕的, 變得舒服哂~!

就因為咁....小妹事後返去買咗2樽.....

價錢方面: $379一樽....( 係有點貴, 不過work 同天然, 就比錢比得條氣順d啦! 仲有搽時唔會覺得"拿"同痛, 呢點真係重點~!)

由於小妹病發範圍都很大, 

所以一樽對我來說......用得很快!!

我睇過成份: 透過天然草本山金車、意大利永久花和羅文莎葉，可促進細胞再生，好讓脆弱過敏的面部及身體肌膚重拾平衡年輕，即時滋養生色。天然荷荷巴油具有舒緩、平和肌膚的功用，而意大利永久花的強力殺菌功效賦予治療撞傷瘀腫、肌膚脫皮乾裂、輕微傷口的多元修護，是一家合用的萬用修護膏，亦是外遊期間的護膚之寶。

希望這個分享幫到你地啦~!

售賣地點: nest beauty , 我係tst 美麗華入面的~

銅鑼灣好似係皇室堡

濕疹人生 之 米奇老鼠紅椒雞肉油醋沙拉 (濕疹朋友可參考! 避走所有致敏材料!)

其實....米奇老鼠形狀係咁啱咁穚買到咋....不過因為咁, 令到食物當堂可以加分啦~

沙律其實係非常容易整的食物.

根本可以唔需要出食譜同大家分享,

不過標明係濕疹人都食得的,

就當然係材料上的小心選材啦~!

材料: ( 凍雞肉, 三色椒, 薯仔, 蕃薯, 生菜, 青瓜, 日本桃)

雞肉 (雞脾肉一隻) 價錢11蚊有三隻, 一隻約4蚊啦..

三色椒 ( 我問過醫生, 呢個係冇問題的)價錢係吉之島, 13蚊三個.一人份量係食唔哂的, 所以               份量上, 只係每隻椒切五份一就夠啦~

薯仔一個 ( 細細個)

蕃薯一個 (細細個)

生菜2棵 ( 5蚊)

青瓜三份一條

日本桃一個

方法:

雞肉: 解凍後搽鹽, 用焗爐30分鐘180度焗熟,放涼後放雪櫃.

薯仔: 用水煮至全熟, 時間越長越粉.放涼.

蕃薯: 用電飯煲焗熟, 放涼

其實材料洗淨去皮, 切粒, 備用.

待雞肉, 薯仔和蕃薯涼後, 切粒, 連同其他材料混合, 加入橄欖球,椰子油和醋就可食用.

味道上, 桃跟醋汁是非常美味, 比起加入西瓜效果更佳.

濕疹人食譜(四) 之 濕疹人可進食的Rice Burger

實在有太多的吃不得....

近期想食Rice Burger , 但見到製作當中好多都調味料都是吃不得....

如何是好?

先講材料:

飯...當然無問題啦~~!!

漢堡.....加工過.....吃不得!

醬汁方面...唔使諗...全部唔得...因為加工過...

咁..點好呢? 

轉一轉D 材料吧~!!!

材料:(一人份量)

飯一碗

雞扒一塊

紅蘋果一個

青蘋果一個

生菜兩塊

鹽少許

生粉少許

黑醋少許

水一碗

做法:

1. 雞扒解凍後加鹽調味, 

預熱焗爐至180度, 

2.蘋果洗淨後切片,放在鹽水中防變色.

3.雞扒放在焗爐中30分鐘至熟透.

4.蘋果放在鑊中煮至林身, 加入生粉水煮汁至杰身.

5加入黑醋, 鹽調至酸甜味, 熄火.倒起, 備用.

6. 用保鮮紙包飯團, 壓至圓扁形.

7.鑊加熱加油少許, 把(6)的飯團加入鑊中煎至少許飯焦.備用.

8.生菜切絲加在飯餅面上,

9把雞扒從爐中取出放在生菜絲上, 再把蘋果醬加上,

10.把另一飯焦加上面上.

11.用保鮮紙包著加壓, 成形.完成.

 對於我這個吃不得的人, 這個材料和味道非常好, 

對於日日食同一樣既朋友來說, 

這小小的變化可以令苦悶的雞扒飯變得有趣, 

希望各位濕疹朋友鐘意這菜色.

放心, 所有用料我查果...都是不會引致敏感的~!

濕疹人生 之 椰子油的幫助

曾經聽好多人講話搽椰子油可以改善濕疹, 抗養化, .加上刺激甲狀腺功能，擁有完美的抗菌特性。(於網上SEARCH 椰子油功效, 可以搵到很多資料.)

但一直都未有機會用到....

不過於今年有機會到泰國, 得到朋友提醒手信之一....椰子油, 就喚醒我對這油的興趣.

椰子油真的對我濕疹人有效嗎? 第一次試, 當然唔好買咁大支啦~~~~~ ( 精明)

大家可於泰國的超市, BOOTS 專門店, 屈臣氏搵到椰子油的產品, 

當中記得買用冷壓製的才有功效.

第一次接觸時, 感覺有點似吳岡師傅搽油一樣, 全身拎立立....

味道方面...很香椰子味...但放入口又冇味.....得油的感覺.

原本以前要很多時間才會被吸收. 

但原來不出10分鐘....已經吸乾了~!!!

唔信....

有圖有真相!

以下的圖是本人的腳....(由於是濕疹關係...所以如想睇美腿的話, 請自行離開!)

一開始, 用五毛銀幣的份量, 搽在左腳上.

濕疹皮膚的人.....是很乾.....皮膚沒有光澤.....( 汗)

經過三分鐘人手按摩( 自己按),

見到嗎? 油份已經吸收了~!

五分鐘後, 只見到腳上有層薄薄的油保護皮膚一樣, 

模上去是乾爽的..不油...也不會弄髒衣服.

大家或者會問, KEEP 到幾耐呢?

我答: 至少三小時不會再乾到痕....(誠實)

那什麼牌子的椰子油推介??

我答: 沒有.....什麼品牌推介, 因為我都係試驗那隻油較好用吧~ 我家還有三支不同牌子的未開呢.....所以暫時未能告訢大家那隻好...

只可以分享說...記得買冷壓製和Orangic 的吧!

價錢方面....

我記得圖中的那得50ml 的細樽試驗裝, 約110蚊泰幣, 即約25蚊港元.

(大支裝平好多)

而我全身搽用的, 50ml 約用到8次左右啦~

放心..我問過醫生, 他說如果搽上身, 覺得舒服, 唔痕, 唔紅的話, 可以安心使用!!!

大家不仿可以試試!

* 除咗搽之外, 還可以內服的....下次再講~!

濕疹人食譜(三) 之 節瓜雞肉湯，唔dry又健康(≧∇≦)

講真, 日日要諗食什麼食物, 不會令自己敏感, 又易煮, 又方便, 其實都是一個煩惱.

當然, 身體唔好, 選擇少是正常的啦~

但變化方面, 是自己可以控制的~!!

今日就因為雪櫃剛好有節瓜和雞扒, 

就煮個一定唔會難食同健康的濕疹餐啦~!

* 濕疹朋友於熱天氣在廚房其實都好辛苦架, 所以這個湯水...快, 靚, 正....

材料: (一人份量) 

節瓜X2 個

雞扒X 1/4 件.

水X2碗

1. 節瓜去皮切件備用

2. 雞扒免調味

3 先把水煮沸, 加入雞件, 煮至半熟. 中火( 五分鐘左右)

4.加入節瓜, 蓋上, 煮至半透明.(10分鐘)

5.加鹽完成.

雞同節瓜都是濕疹人可以食用的食物, 可以多吃呢~!

濕疹人食譜(二)之 自製薯片

病情看似漸進階段，有誰明白戒食一個月來的痛苦，皮膚極度痕癢，時常發燒，一下子像老了廿年……

雖然外貌上的轉變我無法可以阻止，加上心理和生理上的壓力日益增加，面臨崩潰的邊緣，但幸運每次都得到救助。。

幸運不是必然，未必次次都這樣好彩，自己真的要學會變通，雖然要無奈地放下一些緊要的東西，但能換來是寶貴的健康，什麼都值得了。

戒食之一: 味精加工薯片

解決方法: 自己焗吧！

薯仔X2個

做法:

1.洗淨後切片, 越薄越好.

2.預熱焗爐至180度,

3. 把薯片放上鍚紙上, 並搽上橄欖油

4可加點香草,一併焗,

5. 先試爐至25分鐘, 

再加鐘15分鐘, 至金黃就可以了~

(小心焗燶)

食前可加入少許鹽呢~~~

*.....唉~~~ 我老公話幫試味....最後食哂我的....薯片~!!