賴太太新手主婦生活: 第9次的可可榛子味馬卡龍

老老實實,

由第一次至六次都係失敗...

賴太太新手主婦生活:馬卡龍七次失敗之謎+ 解決方法+ 成功食譜提供

第七開始叫可以...

第八次叫做進步..

第九次叫做大進步...

食譜如下: 

之前我都係用呢個食譜,

但由於份量太多, 

我一次過要分2次去焗, 

所以我決定減半...

一次過焗就收爐了~~~

份量: 15粒!

蛋白: 25G

砂糖: 25G

杏仁粉:30G

糖霜:40G

可可粉: 3G

1.把蛋白打至綿質, 砂糖分2次加入,再打至起角( 我自己打到倒轉唔會跌出來)

2. 把杏仁粉同糖霜過"西",再加入可可粉混合

3.把2分兩次倒入己打好的蛋白中,

4.輕力的混合至杰杰地但有流動力..( 好虛無的形容)

5. 入吱袋...吱4 CM 的直徑SIZE

6. 放至少15分鐘等到面乾為止

預熱焗爐120度,

放中間格, 12分鐘後移至底格1分鐘. (由於我個爐沒有下火功能)

待涼取出加入自己喜歡的醬料就可以了~~

賴太太新手主婦生活:30分鐘完成，超簡單零失敗甜品--- 花千雪脆脆

小妹都估唔到"黑礦石"這個名大家都覺得貼切同鐘意^.^

繼上次大受歡迎的"黑礦石曲奇"出品後, 

小妹愛上用OREO 做甜品,

今次小妹試造了這款簡單的 "花千雪脆脆"!

材料很簡單:

1. Oreo 一包 (約20塊份)

2.無鹽牛油3/4條 (室溫)

3. 棉花糖半包約50粒

4. 榛子醬少許 (視乎個人口味,可選其他醬)

做法1: Oreo 去餡後放入袋整碎, 可以好粉又得, 又可以留返少少粗粒又得, 視乎個人口味

同時記得預熱焗爐至175度.

Step 2: 把碎碎放入盆

Step 3: 加入室溫無鹽牛油, 攪均!

 

Step 4: 準備容器, 由於要起模, 所以記得加鍚紙.

Step 5: 壓平就可以了.

Step 6: 放入己預熱的焗爐中, 焗12分鐘就可以了

下圖就是焗完的樣子...

成間屋都係香味~~~~~~~~~~~

Step 7 : 把細細粒的棉花糖放面!

題外話:

可以用百佳出的Select 品牌的棉花糖代替比較出名而又貴的伊華綿花糖 ,

因為百佳出的專係比BBQ 用, 

所以就咁當零食食都唔係好好味,

用係焗甜品就FIT啦~~

焗幾耐??????? 都係175度, 約10分鐘..

最好唔好行開, 

睇到變金黃就好收手啦~

Step 8: 完成後就會有好靚的金黃色外, 

仲會見到雪白的~~~~

Step 9: 呢一PART, 係可要可唔要的部份, 

就係加醬!! 小妹覺得榛子係好啱配搭呢個甜品, 

所以輕輕加上去, 

令視覺同味覺都好D!

味道: 由於Oreo 冇咗餡後係冇咗甜味, 就要靠棉花糖的甜令佢變得更香.

,又唔會太甜!所以呢個配搭我覺得好好....

加上....很簡單.....

凍咗仲好味阿~~~

大家都一齊試試^.^

薑汁撞奶！ 平奶同貴奶既分別！

材料（2碗份量）：
一盒普通維他鮮奶（220ml 一盒）
一盒北海道牛奶（200ml ）
砂糖2茶匙
即磨老薑汁2茶匙

1. 把奶煮至起泡，加入砂糖
2. 砂糖溶哂後熄火待涼至80度
3. 老薑磨汁，每碗有約2 茶匙份量
4. 把2 倒入3，就可以了！

由於小妹想知道貴奶同平奶分別，所以分別2次煮奶的！

老公負責試味，他完全能分得出貴的較香奶味和薑味，而平奶的則很淡但也有薑味！

賴太太新手主婦生活:新品初試，30分鐘完成，超簡單零失敗小吃---士多啤梨麥片夾心曲奇

近期係YOUTUBE 見到一些外國女仔的自創食譜, 

睇真係好容易, 加上食材好易搵, 又唔貴

所以....跟啦~~~~~

今次我試了這一個士多啤梨麥片餅, 

好啱早餐食~!

材料: 麥片一碗

梳打粉一匙 , 

麵粉一碗.

果醬一樽 ( 我用咗1/3樽整6件)

檸檬汁一匙

牛油( 室溫) 一條,

黄糖半碗.

預熱焗爐至170度( 一早開定)

(其實所有份量都係可加可減, 視乎你想食鬆D定實D~!)

1. 先把牛油混合黃糖...由於小妹怕肥....牛油不算用得很多...

2. 把麵粉, 梳打粉及麥片混合.

3. 把(1) 加入(2)中, 再混合至麥片少少濕但又鬆....用手按時會結合一舊

4. 幫盤搽油防"痴"底.

5. 用匙把(3)放入盤, 份量1/3 個盤深就夠! 再用匙壓平..( 我貪心..大力咗.....所以出來大點硬同厚)

6.壓平後再把混合了檸檬汁的果醬加入! (你可以加入自己喜歡的醬)

份量隨自己喜歡, 我想甜D就加厚D~)

7. 再係醬面把剩餘麥片加入蓋面. 輕輕按, 等醬可以把麥片痴住.

8. 完成後可以放入爐 (時間為25分鐘)

約到20分鐘, 已經成屋好香.....

9.20 分鐘後的模樣, 我覺得可以再焗多一陣..

10. 25分鐘後再放5-10分鐘待涼, 就可以脫模. (即係食得)

個人分享: 底可以不用壓得太實, 否則會太硬...

如時間許可, 可以多加一層果醬, 變做千層餅呢~~

大家可以參考呢個外國女仔既造法呢~

https://www.youtube.com/watch?v=S388EqZED-w

賴太太新手主婦生活:馬卡龍七次失敗之謎+ 解決方法+ 成功食譜提供

1.請不要盡信youtube 或書本上既打蛋白時間，人人的打蛋機都不一，自己睇實打蛋情況較好！

看！ 誤信別人說約打10分鐘就可以了，我只打了5分鐘，已經over … 

不是人家的食譜錯，而是自己沒有留意自己的打蛋器太勁啦！

2. 從這圖片中，已經看得出小妹係控制吱咀力度中很新手，時多時少！ 建議先吱練習吱好圖形吧！先再學吱公仔呢！ 

還有見到中間的馬卡龍很黃嗎？ 跟周圍的有分別呢！

這就是我新買的爐的發熱區跟以前的不同，而我沒有留意到！人放我又放，引致另一次失敗！

 

3.這個就是失敗既表表姐，成日見到人地話放室溫要夠至少30分鐘，等個面乾爽成一層膜才放入爐！老實，這個我放了40分鐘，一心諗住ok… 自己冇check 過個面就入爐了，結果點？

變月球表面既餅乾囉！

4. 見到個底痴立立，濕到有水點，原來係我把蛋白加入粉時搞得太耐啦！點解搞咁耐？

5. 因為原來我一直冇留意我屋企既砂糖係粗砂，唔係幼砂，所以當打蛋白後發現個底仲有糖，於是咪搞多2下！咁咪出事囉！

6.近期成日見到大家講用120度焗13分鐘就ok!

我都ok ar … 不過個底就仲爭d… 後來才發現自己個爐冇下火， 哎呀，點會咁阿！解決方法，12分鐘後從中間格拎出來放下一層焗多2分鐘啦！

7. 今次叫做成功...不過大家有冇見到邊位的馬卡龍係歪面的...

原因...就係我個盤唔平的關係...

又係失敗既原因之一!!

試過七次的馬卡龍失敗, 終於捉到技巧啦~

以下係我跟既食譜.

希望幫到大家!

甲油mix n match（彩點， 灰，灰藍）

Modi （圖左）是近期我關注既品牌，當中彩點這一支更是我心水，編號 #121 

O.P.I 我相信好多朋友都會用過既牌子，呢隻色係灰白的，兩層已經超實色，細細支有時都唔錯呢！

Bourjois 由始至始都係我大力推薦既品牌，原因是很易搽，一層已經好好實色！加上個掃能覆蓋很大塊甲面，仲有這品牌其中一條line真係做到甲油如gel甲既效果，呢個連面油都可以慳返！圖中為深灰藍色，我通常會用作單色使用，但今次試下用作底色再加上彩點，效果更出！

灰白色打底都有另一種感覺呢！

至於面油用咗deborah 既大熱lipomann … 

效果……我覺得很一般！