幸運餅乾
真係要多謝網絡的發展...太發達啦~
正當我諗緊做什麼新年禮物比朋友時,
就比我發現了這個幸運餅乾.
見到這個形狀, 一心諗....點整阿?
原來睇返其他分享, 先知道原來就是這麼簡單.
材料: (40個份量)
蛋白3 隻 (約90g)
麵粉128g
糖 150g
牛油 (無鹽) 100g
雲尼拿油 ( 少許)
1. 先把蛋白加糖打起至糊狀.
2. 慢慢加入已溶的牛油. 打混.
3. 再加入雲尼拿油和麵粉, 攪均...
4. 攪至下圖狀就可以了.
5. 焗爐預熱至180度
6. 準備矽膠墊, ( 用油紙難起底, 搽油都唔太方便)
7. 把一匙的份量放在墊面
8. 用匙的底部把混合粉打圓的推開. (如圖)
9. 根據我所測試, 厚度要平均, 不易太厚, 否則變蛋糕口感.
10. 焗七分鐘見金黃就要收手! 即時出爐.
11. 出爐後不要等..即時用鏟把餅對摺.
12. 餅還軟身時, 再用杯幫手對摺多次. (如圖)
13. 然後放入muffin 模中固定形狀!
14. 10分鐘後就成形啦~
完成~!!!
溫馨提示: 由於餅乾一涼了就變硬, 所以當餅還軟身時就要快手!
正因為咁, 所以建議每次焗不多過4塊!
幾時加字條入餅中?
答: 一出爐就在對摺時加就好了~!
祝大家新年快樂, 萬事如意~
心想事成, 大飽口福!
