距離姓「賴」既日子不遠了！開始發現要準備既野還有很多很多！
擔心冇？！一向樂於天命既我成日都相信船頭自然直，咩都唔使急啦！
快手快腳，續part續part 做咪得囉！
不過最估唔到咁快收到出門當日既裙褂，
「新衫」一到當然急不及待既試下！
雖然小妹成日做新娘化妝都睇慣見慣裙褂
（見到父母幫囡囡著裙褂既畫面總會眼濕濕呢！）唔應該會咁緊張同興奮！
但今次真係有一件屬於自己既裙褂，感覺係唔同d 既！
常常見到裙褂會係很多款式，有些會多金線，有些多珠片，
也有些多顏色，而我這件是多....閃石！
由於閃石多，所以裙褂要變得清雅！金線銀線會相對的較少！
看起來會較高貴！絕對是稱心之選！
我知道裙褂是不可以著兩次，但係本百無禁忌既宗旨，照著！
（加上媽咪都冇所謂呢！同我一樣咁興奮呢！）
很期待穿上後會怎樣！合我身裁嗎？有吊腳嗎？
拉鍊拉得上嗎？ 我一直擔心的想著！
同時我留意到坐在客廳中一直沒有發過言既老爸！老爸既冷淡好似有點怪！
試上了！剛剛好，完全好似件褂是為我而做一樣！
技媽左右的幫我拉拉，上下的移正，很滿意的樣子說：囡！唔好再肥啦！
如果唔係拉鍊會拉不上啦~~
技媽NON-STOP 咁講野..老爸卻一句都沒有搭上~~!!!
唔通老爸覺得我同技媽太興奮係傻既表現? 定係老爸覺得這是很小事, 唔使咁HIGH?
我左照照, 右照照的, 頗滿意啦的樣......
終於我忍唔住問老爸: 牛豆(我對佢既稱呼), 我靚唔靚~~??!!!
你估我老爸回答我什麼?
老爸說: 我個女是世上最靚的~~~~~
爸~~~~~~ I LOVE YOU~~~~~~
我心諗.....係咪老爸唔捨得我嫁? 定老爸過份抑壓自己既興奮呢?
下次再同大家分享!!
