八月頭,突然於三天內決定東京大阪七日六夜的旅行, 其實係我預測之外要做既事情,
日本喎....要使既錢一定多......至於我想平平地咁玩..可以點呢?
加上我係濕疹人, 去到日本可以點過? 食什麼??
希望今次這個分享可以比大家參考吧~!
就這個資料搜集, 我細分以下數點,
1. 交通安排--要知道那些地方的交通費是貴定平, 那會容易預算自己酒店地區.
2. 酒店資料--要決定住那間酒店, 那是一個很大的學問!!
www.hotel.com<-- 這個只要輸入地區, 就可以知道當地的酒店價錢, 通常我會先決定酒店, 再自行到酒店官方網頁訂房. (那避免中間的網頁有訂不到既情況)
www.accorhotel.com<-- 這是我常住的酒店集團, 由於我先生是金咭會員, 訂房方面會有很大折扣優惠, 房一定是靚跟乾淨, 國際酒店級喎~~ 不過唯一缺點就是你要到的地區可以跟這酒店距離很遠......較不方便!
(大家可私下聯絡我, 我找先生幫手訂酒店也可以阿~ 不過會收回少少佣呢~!!!)
要決定住那間酒店, 也請考慮以下細點:
1. 如以Shopping 為主, 於酒店停留時間較少, 那就可以選擇較低質素的酒店但近購物Shopping地點吧~
2. 如旅行是想休息, 觀光, HEA 為主, 那酒店要求可以提高一點, 因為停留時間較長, 休息,RELAX 才是主旨... 要是住得不舒服...那不如返屋企瞓吧~~~! (妙咀)
就以今次旅行為例...
東京--酒店價錢平極至少HKD 600 (單人房) 以上, 加上購物為主, 當然是要住得方便. 而幸運地www.accorhotel.com 集團的ibis 酒店於新宿, 位置非常方便, 先生幫忙下訂房, 可以做到很便宜約$HKD500一晚呢~~~~ ( 是單人房間但有2張單人床呢~ 屈蛇就最好)
3. 附近超級市場/ 便利店-- 不要小看這個重點阿~ 就以東京為例, 試用紙筆list出必食的食市 , 例如一定要食築地魚生做早餐, 其他兩餐就隨便吧~! 那就可以到附近超市場買定糧食, 有些便利店提供微波爐呢~ 只於小妹.....因為有食物敏感, 那必要到超市買新鮮菜果做沙拉呢, 所以酒店附近一定要有"當地人幫襯"的超級市場.
(放心, 我有好介紹, 請繼續收看之後文章介紹)
4. 景點跟酒店距離--那是非常重要知道的, 利用www.GOOLEMAP.com 就可以知道由出發地點跟景點的交通所需時間, 轉車位置, 火車路線, 知道後就可以更有效地安排一日的行程啦~
(後面的文章會有更多示範和介紹)
5.車資預算-- 就以單程到富士山為例, 絶不便宜, 計清楚每日的車資, 要到不同景點的價錢, 那就可以知道買套票抵 或是 買PASS好啦~! 現在資訊很方便, 很容易知道車資的...可以到以下的連結查獲有關資料!
http://www.jreast.co.jp/e/charge/index.html <--查JR 線
http://www.tokyometro.jp/tcn/index.html <--查地下鉄線
http://www.willer.co.jp/ <--巴士線
(後有文章介紹由東京到大阪抵到笑的方法, 敬請留意~)
6. 優惠共享-- 呢個係私人介紹....例如我會到環球影城玩, 但見到入場費同EXPRESS (特快)玩機動遊戲的PASS 都唔平, 我便會到... YAHOO BID.睇下有冇人之前去完或者買多咗而平價放出來~~~ 呢個時候就係執死雞時間~!!!!
今次我有一張環球影城的特快卷一張放售, 有興趣可以跟我聯絡.
除此之外, 我都很鼓勵大家買Day Pass用, 因為車資唔平, 加埋Pass 有時會包埋入場費, 真係可以慳好多~ 例如: 大阪的ONE DAY PASS....
之後再詳細介紹!
更多PASS 的資料:
http://www.jreast.co.jp/tc/pass/index.html <--好詳盡的LIST 咗東京有咩PASS 同點用
http://www.osaka-info.jp/osp/cht/index.html <--大阪的PASS ( 真心推介)
7. Wifi 使用-- 老實說...Wifi 一定要有, 不過本人不太贊成成個TRIP 都掛住玩電話,
因為冇咗旅行的意義. 不過有Wifi 可以方便自己查詢地點資料, MAP 方向. 不過我發現日本大車站都係有提供WIFI 服務. 登入好簡單, 只要輸入自己EMAIL 就通過了~ 難度係零....
不過一旦上咗車...就會收唔到囉.....
對於慳錢的我來講..只要酒店有, 車站有...就夠啦~~!!
大家如想用WIFI 去到邊玩到邊, 那就要係香港租wifi 或是 買電話咭啦~!
8. 天氣預測-- 曾聽說日本的天文台很準的, 不過也有會意外! 我建議大家在計劃行程時, 留意埋天氣, 因為你都唔想影靚相嗰日係天陰或落雨阿~~!! 知道天氣大約情況, 就可以放心安排好天觀光, 落雨shopping 的行程啦~!
http://www.jnto.go.jp/weather/chc/index.php
9. 必買清單-- 為咗唔好令自己洗多咗, 失去預算, 我會先list 好一定要花錢的項目, 例如: 車資,酒店, day Pass, 入場費用, 必買手信budget, 之後再預算會願意多花幾多錢做零用?! 最後決定對換多少錢!!
以我為例: 唔買野, 唔亂食野...都洗咗至少HKD$1000/日. 那大家有數得計啦~!!!
準備好就可以出發啦~~
祝大家有個愉快旅程!
