用過無數方法去醫,
中醫, 西醫, 氣功, 等等咩都試過.
方法好多種, 當然樣樣醫法都有一定的功效.
但畢竟呢個濕疹都被列做唔斷尾的一種..<--我個隻!!!
只有自己搵一d 方法可以令到情況冇咁壞啦~
我的濕疹係屬於浮動性個種,
即係會全身四維走,
身體邊個位置的免疫力一弱就會即出係個個位..
通常離唔開.....所有淋巴腺位置附近!!
而今期...出咗係頸!!
圖中所見...已經叫做好咗少少的頸...!!
好咗既定意係....冇痕, 只係紅同脫皮!
如果一痕...真係想死!!!
正因為咁....我好少可會著衫露手腳同頸....個頭同塊面冇計啦~~避唔同要露~~!!!
但係我都想有方法可以拎紅同痕同脫皮顯像得到改善,
所以都會試不同類型的濕疹膏.
而今次我用的係.FUSHI 的濕疹膏!
呢個品牌大家可能未了解, FUSHI 是英國倫敦為主產地, 是100% 採用天然成分造出不同的產品.
天然是我必選的條件,
因為好多不同的致敏東西都會令皮膚痕癢,
一旦"R"損...濕疹就會起...!!!
講返呢隻敏感濕疹修護膏,
適合輕度至長期濕疹的困擾肌膚使用!
蘊含兩款針對治療濕疹既草本成分,
可以全日搽係患處.
不含類固醇, 所以唔會令到患處膚色變黑同埋老化!!!
加上標榜有強化及淨化功效, 排走會令濕疹惡化的毒素,
同時做到滋潤皮膚的功效.
而當中有甘菊成份, 可以舒緩及強力抗炎, 如果你正在發炎期間使用, 效果會更顯著.
一打開, 見到好杰...杰到拎唔到....好似一磚冷咗結成塊的油,
唔係誇張, 用手係拎唔到要既份量, 所以我用匙....刨出來~
大約咁多既份量係手指的溫度令佢開始溶化,
再輕力的印在患處!
效果: 老實講...濕疹的朋友係唔可以令皮膚覺得焗的, 但由於呢個膏係較杰身, 要用的話一定要薄薄地咁印上去,
千奇唔好大力捽...因為會令患處更痕....同刺激呢~
而係我用咗後...大家15分鐘左右, 紅會退了一半, 位置都會比較滋潤!
脫皮即時少咗一半...不過我個人意見, 係要日日早晚用搽...不過好彩既係佢夠潤, 可以KEEP 到大半日係唔會出現乾到痕既情況,
唯一曾經出現好痕..因為我搽得太厚同焗著啫~ !!
以我所知, FUSHI 現在係皇室堡既NEST 店做緊聖誕推廣, 係比平時平D同抵賣. 大家可以去看看..至於價錢..我唔記得啦~~ SORRY~!
祝大家濕疹康復, 過個開心聖誕~
我的基地~
http://iammisskwok.blogspot.com
二號基地:
http://blog.hk.88db.com/?author=58
三號基地:
http://blog.yahoo.com/dion.kwok
面書總部:
http://facebook.com/dion.kwok
聯絡總部:
iammisskwok@gmail.com
戰績展示區:
http://d-squarebeauty.photogala.com/
