濕疹人生: 慳家技安$148的婚紗相造型分享 ( 面紅相)

Thursday, November 1, 2012

慳家技安$148的婚紗相造型分享 ( 面紅相)

我其實一直都覺得,

影PRE WEDDING 相比起結婚擺酒更有意義,

因為真係只有我地兩個人既事,

同結婚係兩家人既事好唔同.

所以係準備呢個影PRE WEDDING 相時,

要準備既野都唔少...

先同大家講下我喜歡既STYLE 先~

由於拍攝地方係沙灘為主,

所以我喜歡所些簡單的造型同活潑少少的FEEL.

所以我除咗影婚紗之外,

仲有便服同晚裝呢~!

由於工作需要, 出外買衫較難,

加上我地旅行係坐廉價機票,

唔可以有寄艙行李,

所以...我地拎既衫要有以下條件,

1. 婚紗唔可以入面有綱紗, 因為好難拎

2. 夠輕同卷得埋

3. 用完影完可以即棄 ( 冇睇錯...係變成垃圾)

4. 夠平 , 掉時唔會肉痛.~~~

哈~~ 要咁多要求, 香港地都好難搵,

只有淘.....寶先係可以合我要求~~

基於身型的關係.. (自己知自己事)

有些款式的裙係唔合我的,

所以以下的圖片全都是A字裙款.

首先先介紹下我的便裝裙.

呢件係淘寶返來後最似實物的一件,

價錢都係RMB 148 左右啦~ (未計運費)

點解我會想要呢件?

因為我見到MODEL 著得好飄逸,

加上又輕..(個樣似輕) 同顏色好襯我的沙灘呢~

哈~~

我估大家都想睇下我著成點呢~~~

(我知...我肥.....大份...所以件衫都係啱啱好...)

著唔到淘寶MODEL 的姿態....

但大家可以把焦數放在顏色上,

湖水藍配上粉紅色的花同我個影相環境很襯阿~~~

加上我係泰國芭提雅的大型商場購入泰幣190元的草帽,

這個配搭一齊唔會錯呢~~

而草帽的蝴蝶碎花也是比較草原FEEL,

所以用作配合樹木做背景同道具都係唔錯的效果~!

至於整體長裙的長度同質料都算做唔錯.

(雖然呢張相未能做到修身效果, 但都叫做冇影得我肥咗的感覺~)

送上我呢套衫最後一張單人相啦~

如果大家有機會出去沙灘地方影相,

可以考慮呢隻色的裙阿~~

(如想要呢間淘店LINK, 請私下留言啦!)

下次同大家分享我另一條平到震的PRE WEDDING 拍攝裙.