WAH~ HAHA….咁夜出咗咁既文,
唔係我一向既作風,
但我又真係忍唔住喎~~!!
係乜~~ 哈~
話說大家應該都知名「3」的用戶星期三去睇戲係唔使錢啦~
咁啱今日小妹有個半日補價, 於是小妹便同友人一齊去睇下午4點場既戲!!!
咩戲便是今次我要講既重點~!!!
*
*
唔知大家鐘唔鐘意睇鬼片呢?
小妹自問很好奇…..但又怕…..
正所謂..又要驚; 又要飲椰青一樣!!!
小妹一生人最怕睇既片類係….1 血腥( 例如:古惑仔系列) ß咪噓我…這是事實
2. 太刺激的追逐片…..(例如: 追賊開槍….或世界大戰…!)
3. 彈出來嚇人既鬼片….(例如: 鬼娃娃花子)
而今次小妹要睇既..竟然係…….<陰傭花園>
講真….係電視睇過廣告介紹已經嚇到腳仔軟….仲講話我要入場睇呢?~!!
大家或者唔知呢套鬼片講乜東東~!!
其實《陰傭花園》集結了《四條大路通陰間》及《五條大路通陰間》幕後班底及《陰容院在》導演的最新作品. 唔知大家有冇睇過其中啦~~ 但我好似有睇過<四>同陰容院在~!!!講真...少D 膽都會嚇親呢~!
內容講咩? (抄影片介紹)
故事以清邁著名優閒住宅小鎮拉達花園為題材，講述一家人從曼谷搬到豪宅拉達花園(LADDALAND)後，本來以為可以幸福快樂地生活，可是小鎮自從一名女傭被兇殺後，女傭便在夜間出現繼續為住宅工作，而鄰居也開始遇上連串恐怖事件…
或者大家會問我..係咪真係恐嚇…..
我可以答: 我唔知……!!!!!!! 因為好多時我都擰歪咗面….或合埋咗眼..HAHAHAHAAHA ~ 不過套片我都睇咗有…..五成既~!
不過不可以唔承認的係…..我睇完即刻瘦咗…因為我嚇到鼻哥LON 都冇肉!
同埋我要比個鑽字比泰國既鬼片, 真係一講到係泰國出品, 已經驚定~! 呢招真係唔係人人拍鬼片都可以咁成功!
其實點解要出呢個POST? 因為.....我下午5點半睇完(仲天光)已經驚...驚到宜家....所以忍唔住要把呢個感覺記抵~~!!!( 他日自己睇返一定會笑自己....LOW B!)
好啦…瞓啦~ GOOD NIGHT~!
